Sètz aicí : Acuèlh > Conéisser l’IEO > Vida associativa > Amassadas Generalas > AG 2011 : las comissions de tribalh

AG 2011 : las comissions de tribalh

Pendent l’Amassada Generau deus 21 e 22 de mai (Centre Roger Fourneyron, 31, Boulevard de la République, 43000 lo Puèi de Velai, ), l’Institut d’Estudis Occitans qu’organiza, lo dissabte vrèspe, acamps tematics. 5 comissions qu’estón definidas, e cada participant a l’AG qu’ei convidat a participar, e atau contribuir au desvolopament de la nosta associacion.

AG 2011 : las comissions de tribalh

1 : Comission pedagogia de la lenga

Subjèctes : Objectius de l’IEO, animacion deu hialat de cors, desvolopament, formacions de formators, …

2 : Comission toponimia

Subjèctes : Enquistas, formacions, partenariats, basa de donadas,…

3 : Comission transmission de la lenga

Subjèctes : Bilinguisme precòce (desvolopament locau, site internet de l’IEO,…),...

4 : Comission edicion/difusion

Subjèctes : Ligams entre las diferentas activitats d’edicion e de difusion en çò de l’IEO (ex : IDECO, Novelum, Tuta d’Òc IEO31,….)

5 : Comission Comunicacion

Subjèctes : Site internet, revista Anem Occitans, servici de l’emplec, paginas occitanas.

Entà aprestar la discutida, e vos perméter de balhar lo vòste punt de vista a partir de quauquas questions au parat de la dimenjada d’AG, un aperet a contribucions (que vienitz o non a l’AG) sus cada tematica qu’ei obèrta dinc au 8 d’abriu. Un accent que serà balhat sus l’implicacion globau deu hialat de l’IEO (animacion, ròtle deus benevòles, objectius, dinamizacion, ròtle de las estructuras...) en cada accion/tematica.

Mercés de’ns tornar las vòstas contribucions, en format word o pdf, a direccion@ieo-oc.org, en tot precisar dens lo títol deu vòste messatge lo nom de la comission concernida.

En tot v’esperar numerós a l’AG de l’IEO de 2011 au Puèi de Velai!

Plan coraument, Laurenç Gosset, Director

Lire la page en français