Adesion
Aderir a l’IEO, es obrar per donar a l’occitan sa plaça deguda, en tot menar d’accions a l’entorn de la vida publica, dels medias e de l’ensenhament.
Es tanben una accion de cada jorn e de cadun per que la cultura occitana siá una cultura viva e contemporanèa, creatritz e inovanta, en tot assumir son istòria millenària.
Aquelas accions, las podetz venir partejar amb nosautres, amb los 1500 aderents e son quarantenat de salariats dins las 28 seccions departamentalas e 7 seccions regionalas, o directament a l’IEO Nacional.
Podètz aderir a l’IEO siá per l’intermediari d’una seccion departamentala (o en cas, regionala), siá per una adesion dirècta a l’IEO nacional. Dins los dos cases, lo prètz d’adesion es lo meteis.
Aderissetz a l’Institut d’Estudis Occitans per venir, vos tanben, actor de la lenga e de la cultura occitana.
Dempuèi 2010, l’IEO Nacionau edita las cartas d’adesion de totes los sòcis de l’associacion e de sas seccions. Un tèxt qu’explica las motivacions d’adesion a l’IEO i es inscrich.
Format carta de credit.
