Sètz aicí : Acuèlh > Conéisser l’IEO > Vida associativa > Amassadas Generalas > Amassada Generala 2013: Aush

Amassada Generala 2013: Aush

Comunicacion per l’AG de l’Institut d’Estudis Occitans de 2013 aus aderents de l’associacion

Amassada Generala 2013: Aush

Pèire Brechet, President de l’Institut d’Estudis Occitans
Los membres deu conselh d’administracion de l’IEO
Geors Nosella, President de l’IEO de Gèrs

Que son urós de convidar los aderents de l’IEO a l’Amassada Generau de 2013, que’s debanarà a Aush (Gers) los 25 e 26 de mai. L’adreiça dels luòcs d’acampament es: Sala dei Cordeliers (3 carrièra Camille Desmoulins) e la Maison de Gasconha (plaça Jean David).

Entà vos plan acuelher, mercés de tornar los documents ‘‘Inscripcion AG’’ e ‘‘Poder AG’’ tà nos assabentar de la vosta preséncia, en tot precisar se voletz participar a l’aperitiu/minja-dret (5 € per persona) e au sopar/Espectacle (14 € per persona) que seràn organizats lo dishabte (véder l’ODJ).

NB: Las inscripcions que son possiblas dinc au dishabte 25 de mai. Las inscripcions a l’aperitiu/minja-dret e au sopar/espectacle que’s pòdon encara hèr, mas pro lèu.

2013 qu’es ua annada electiva. Los candidats au Conselh d’Administracion que deven tornar lo document x tà justificar de la lor candidatura a la direccion de l’IEO lo mei d’òra possible. Entà aprestar los buletins, las candidaturas que seràn barradas a 16 òras lo dishabte 25 de mai.

Tà poder participar a l’AG, e votar, que cau estar a jorn de la soa cotisacion 2013 a l’IEO.

N’estossitz pas presents, que podetz balhar lo voste poder (document ‘‘Poder AG.png’’) a un aderent de l’IEO a jorn de la soa escotisa a l’IEO. Mèfi! Lo nombre de poders qu’es limitat a 10 per aderent (en mei de la soa votz).

Que’vs esperam numerós a l’AG d’Aush tà contribuir a la vita de l’associacion.

Lo burèu de l’associacion

Òrdi del jorn previsional de l’AG de 2013

Dishabte 25 de mai

Matin Salle des Cordeliers

  • 10h30 Arcuèlh deus aderents de l’IEO (poders, pagaments), deus convidats e deus elegits - cafè
  • 11h30 Inauguracion de l’AG de 2013, per Pèire Brechet, President de l’IEO
  • 11h45 Presentacion de l’IEO de Gèrs per Geors Nosella, President de l’IEO-32
  • 12h30 Aperitiu-minja-dret (inscripcion obligatoria, 5 € per persona) o repaish libre a Aush
  • La seguida de l’AG (manca lo sopar e l’espectacle) es reservada aus aderents a jorn de la lor cotisacion a l’IEO

Vrespe Salle des Cordeliers

  • 14h00 Rapòrts morau, financèr e d’activitats – e votacions
  • 16h30 Pausa e desplaçament a la ‘‘Maison de Gascogne’’
  • 17h00 Comissions tematicas
    • Toponimia: socializacion deus toponims
    • Accion de proximitat
    • Departament pedagogic
    • Petita enfança: organizacion deu malhum deus referents e site ressorça (devath reserva)
  • 19h00 Fin de la 1èra jornada de l’AG
  • 19h15 Aperitiu e retorn a la ‘‘Salle des Cordeliers’’
  • 20h00 Sopar-espectacle (inscripcion prealabla obligatoria: 14 €)
  • 21h30 Espectacle Gascontes

Dimenge 26 de mai

Matin Salle des Cordeliers

  • 8h30 Arcuèlh – cafè
  • 9h00 Bilanç comissions – mocions
  • 12h00 Eleccion deu Conselh d’Administracion
  • 12h30 Fin de l’Amassada Generau de 2013

NB: Dinar: Possibilitat de pic-nic (organizat per l’IEO-32 - 5€) dens la sala o en dehòra

Vrespe

  • 13h30 Projeccion de ‘‘Lenga d’amor’’, film de Patric La Vau, en associacion dab l’IEO, en preséncia deu realisator (5,5 a 7 Euròs)

NB: Las inscripcions

  • a l’AG que son possiblas dinc au dissabte 25 de mai (pagament a l’enregistrament)
  • a l’aperitiu/minja-dret e au sopar/espectacle que son limitadas au 17 de mai (pagament a l’enregistrament)
  • au picnic deu dimenge 26 de mai: sus plaça
  • la projeccion deu film de Patric La Vau: sus plaça

Tà se har aubergar a Aush: http://www.tourisme-gers.com/Se-log...

 

Lire la page en français
Portfòlio de l'article
Fichièrs de descargar