Sètz aicí : Acuèlh > Nòstras missions > Agir per la lenga nòstra > ELEN > Amassada de junh de 2016 a Geneva del Comitat dels dreits economics, socials et culturals de l’ONU

Amassada de junh de 2016 a Geneva del Comitat dels dreits economics, socials et culturals de l’ONU

Per conéisser l’aplicacion e l’examèn dels recors sus lo Pacte internacional dels dreits economics, socials e culturals de l’ONU, Alexis Quentin assistís a l’amassada del Comitat a Geneva coma membre del Conselh d’Administracion de l’IEO e de la delegacion d’ELEN.

Amassada de junh de 2016 a Geneva del Comitat dels dreits economics, socials et culturals de l’ONU

La susvelhança de l’aplicacion del Pacte internacional sus los dreits economics, socials e culturals de 1966 es assuregada per lo Comitat de l’ONU per los dreits economics e socials (Comitat DESC). Creat per una resolucion del Conselh economic e social del 28 de mai de 1985 (sia 9 ans aprèp l’aplicacion del Pacte), lo Comitat a de fach per fonccion de far la susvelhança fisada al Conselh dins la quatrena part del Pacte. Ara 160 Estats an ratificat lo Pacte I (que la França en 1980).

Lo Comitat s’amassa a Geneva doas còps per an pendent tres setmanas. Son ròtle es de contrarotlar los rapòrts fach periodicament per los Estats sus l’applicacion dels dreits del Pacte.

Dempuèi lo 5 de mai de 2013, lo Comitat es tanben encargat per lo protocòl facutatiu de tractar los recors dels particulars que li seràn mandats en cas de violacion concrèta del Pacte I, e de far una enquèsta. Ara, lo protocòl facutatiu foguèt signat per 45 Estats e ratificat per 14 Estats (que la França en 2015).

  • Per consultar aqueste Pacte de l’ONU, clicatz aicí.
  • Enregistrament parcial del 07/06/2016 sus l’intervencion de l’expèrt espanhòl, Monsen Mancisidor, contra la position de França aicí.
  • D’autres enregistraments suls debats tocant lo cas de França aicí.

RESULTAT DEL RAPÒRT DEL COMITAT PER LOS DREITS ECONOMICS, SOCIALS E CULTURALS LO 27 DE JUNH DE 2016 SUL SITI DE L’ONU.

Lire la page en français
Portfòlio de l'article