Sètz aicí : Acuèlh > Nòstras missions > Viure l’occitan cada jorn > Labèl Òc per l’occitan > Annuari del labèl Òc per l’occitan 2012

Annuari del labèl Òc per l’occitan 2012

Lo 30 de març de 2012, al temps del rescontre entre las còlas d’Occitània (AOF) e de Sapmi, a la velha de la granda manifestacion del 31 de març de 2012, èra difusat pel primièr còp lo novèl annuari dels labelizats Òc per l’occitan. Atanben, se pòt legir e/o telecargar lo dich document a la fin d’aqueste article.

Annuari del labèl Òc per l’occitan 2012

Aqueste annuari es ara separat del document Occitan qu’es aquò, lo novèl guida sus la cultura occitana que ven de publicar egalament l’IEO. Son dos documents complementaris, l’un a vocacion economica e espleches de comunicacion pels labelizats, lo segond coma guida informatiu dels enjòcs e accions realizadas, per las associacions, al subjècte de la cultura occitana. Caquelà, avèm ajustat dins l’annuari un precís de lenga e cultura occitanas, per dire de rafortir aqueste ligam entre la lenga occitana, l’economia e lo torisme.

Dins la noveltats, una carta d’Occitània, enclusa dins lo precís, e de rubricas per sensibilizar labelizats e consomators, entreprenaires, artisans, associatius als enjòcs economics e a la necessitat de crear de ponts entre totes per socializar la lenga, ne far un esplech de cada jorn !

Cada estructura labelizada, a partir del sèti a Tolosa, o par l’associacion encargada localament de promòure lo labèl (IEO Limousin, IEO Languedoc par exemple), recebrà d’exemplaris de cada document. Es tanben possible de’n retirar a l’IEO, a Tolosa, al 11 carrièra Malcosinat (Metrò Esquiròl).

 

Lire la page en français