Sètz aicí : Acuèlh > Conéisser l’IEO > Vida associativa > Aperet aus dons

Aperet aus dons

Ai sòcis de l’Institut d’Estudis Occitans, l’IEO a besonh de vòstre sosten financier d’aquí la fin de l’annada !

Aperet aus dons

(An aqueste prepaus, vos ramentam que 60 % de vòstrei dons a l’IEO son deductibles de vòstra declaracion d’impòstes puei qu’es una associacion reconoissuda d’utilitat publica.)

Vaquí que s’acaba per l’IEO una annada cargada de trabalh tras qu’intensiu puei qu’en mai dau bailejament de sei projèctes interregionaus per metre en plaça leis otís e leis estructuras favorables a la transmission e a la socializacion de la lenga, a iniciat e pres que en carga tota l’organizacion concreta e materiala de la bèla capitada que siguèt la Manifestacion de Tolosa 2012, butant l’empencha ais autrei lengas de França e refortissant lo resson e la visibilitat dei lengas regionalas.

En mai de l’organizacion de la Manif 2012 avèm :

  • contunhat a obrar e prepausar de servicis e accions utiles a l’ensems dei regions occitanas, dei seccions de l’IEO e deis aderents de l’IEO.
  • degut obrar, d’autra part a l’operacion en cors de sauvagarda d’IEO-IDECO.

Lei projèctes interregionaus :

  • Bilingüisme e pichona enfància : document d’informacion sus lo bilingüisme precòci per lei familhas e lei professionaus de la pichona enfància difusat en partenariat ambé lei Departaments de Tarn, Pirenèus Auts, Aude, Gard, Corrèsa, Pirenèus-Atlantics, Gers
  • Edicion e difusion dau document de socializacion “l’Occitan, qu’es aquò ?”
  • Seguiment dau programa dau labèl Oc per l’Occitan : seguiment dei labellizats, recerca de labellizats novèus, publicacion dau trabalh, esfòrç de comunicacion ambé la publicacion de l’annuari dei labellizats, la letra mesadiera dei novèus, la pagina Facebook, lo site nòu sus Internet
  • Organizacion de sesilhas de formacion au Label Parlesc : labellizacion de cors ; remesa dei diplòmes ai novèus cors labellizats (63 de mai per aquest an)
  • Campanha de comunicacion sus lei cors per adultes « Aprenem l’occitan »
  • Centre de Ressorsas per la socializacion de la lenga: Servici de l’Emplec e Paginas occitanas
  • Mesa en plaça dau Centre Culturau Occitan Rogier Solan
  • Revista Anem Occitans ! 4 numèros publicats
  • Partenari de : - Congrès Permanent de la Lenga Occitana, - Coordinacion interlengas dau 31 de març, - Rescòntres interregionaus interlengas, - NPLD, - EBLUL França e ELEN, - Clubs Unesco

De segur, tot aquesteis accions an un còst !

En 2012, avèm reduch au maximum lei cargas de foncionament mai d’autrei cargas ocasionalas se son apondudas e lei produchs an pas aumentat, vist lo contèxte actuau e la baissa dei subvencionaments:

  • Part dau deficit de la manifestacion de Tolosa 2012 a la carga de l’IEO : 6000 €
  • Presa en carga d’IEO-IDECO : L’associacion IEO a degut an aquesta ocasion finançar lo pagament dei deutes anteriors e deis indemnitats de licenciaments que l’estructura pròpria IDECO aviá plus lei fons per pagar. Investiment a minima per permetre la perenisacion a minima (dins un promier temps) de l’edicion-difusion.
  • Abséncia de subvencion aquest an dei regions Lengadoc-Rosselhon, Lemosin e Peitau Charanta ;

Per ansin, au jorn de uei, si consideratz que la manifestacion, lei projèctes realizats ò endralhats per l’IEO, la subrevida de l’edicion e de la difusion dau libre (IEO-IDECO) son importants per l’avenidor de la lenga e la cultura occitanas e lei generacions futuras, per sostenir la dinamica endralhada per lo Conseu d’Administracion de l’IEO e l’equipa dei salariats (ben reducha a rapòrt dei pretzfachs e de tot çò que i a de faire) vos sollicitam per faire un don a l’IEO en aquesta fin d’annada de 2012 !

Un biais eficaç de desirar avans l’ora una bòna annada 2013 a vòstra associacion per que contunhe de faire totjorn mai avans ambé envam e estrambòrd !

Amistats occitanistas,

Pèire Brechet President de l’IEO Tolosa (09/10/2012)

 

Lire la page en français
Fichièrs de descargar