Sètz aicí : Acuèlh > Actualitat > Arquius > Après lo 31/03, aperet aus dons

Après lo 31/03, aperet aus dons

Après lo 31/03, aperet aus dons

La manifestacion «Anem Oc ! Per la lenga occitana !» qu’ei estada ua capitada, e los membres de l’Institut d’Estudis Occitans, pr’amor de la lor preséncia en fòrça lo 31 de març per las carreras de Tolosa, que ne son en bòna partida responsables. Que sia au nivèu de la Coordinacion* e dens lo Comitat locau Tolosa, o dens lo lor departament com cercle locau, los benevoles e salariats de l’IEO que son estats a l’origina de la mobilizacion com de l’organizacion (mobilisacion locau, presa de contactes dab los elegits, difusion deus documents de comunicacion, organizacion de la manifestacion a Tolosa (acuelh e gestion deus manifestaires, organizacion deu vilatge plaça de l’Euròpa, de la manifestacion de la plaça de l’Euròpa au Capitòli)).

La manifestacion deu 31 de març n’era pas ua finalitat en se-medeish ; qu’ei un utís, entà se balhar vam dens las nostas activitats, solide ! mes sustot, entà poder pesar de cap a l’ensemble deus politics que, uei e doman, seràn en capacitat de préner decisions en favor deu desvolopament de l’ensenhament e de la socializacion de la lenga occitana (cambiament de la constitucion, ratificacion de la carta europèa per las lengas minorizadas, els). L’ensemble de las reivindicacions nostas, que las avem listadas en çò de la CRIDA, amassa dab los partenaris de la Coordinacion.

Uèi com doman, que devem tanben contunhar coma IEO lo nòste tribalh, iniciar, desvolopar e difusir projèctes navèths o utiles entà la lenga occitana. Dejà, ua version novèla de l’Occitan qu’es Aquò e de l’annuari deus labellizats Òc per l’Occitan que son estats difusats au moment de la manifestacion. D’autas accions que son en cors de realizacion. Que devem contunhar, amassa, un esfòrç que ne pòt pas estar aute que collectiu, tà capitar l’engatjament de l’associacion, la nosta federacion d’òmes e de hemnas, que partatjan un ideau comun entà la lenga occitana. Que sabem lo temps e son malaisits peus occitanistas, pr’amor que hèm partida de la societat, n’èm pas a despart de la societat modèrna com daubuns ac poderén esperar. La moneda publica ne sostien pas ua accion com la deu 31 de març, qu’ei normau. Lavètz, s’ac podètz, se voletz que l’accion comuna e contunhi dab eficacitat au-delà d’aquesta data, que podetz sostiéner, o har sostiéner las accions de l’IEO en tot mandar un don a:

Institut d’Estudis Occitans - IEO 11 rue Malcosinat - car. Malcosinat 31 000 Toulouse / Tolosa

Chècs a l’ordi de: IEO l’IEO qu’ei reconeishuda d’utilitat publica: un recebut que’vs serà mandat e la reduccion fiscau, dens la limita permesa, qu’ei de 66%

Coordinacion : IEO, Calandreta, Oc-Bi, en partenariat dab Convergéncia Occitana e lo CREO-MP

 

Lire la page en français