Escrich lo 07-02-2013 par Marçau de l’Oliu

Al Peiron de Montpelhièr lo dissabte 16 de febrièr a 14h, se manifestaràn per carrièras per una vertadièra inclusion de las lengas regionalas dins la refòrma de l’escòla publica

Escrich lo 04-02-2013 par Marçau de l’Oliu

França defugís las questions sus las lengas regionalas, en contradiccion amb los engatjaments de son cap d’Estat

Escrich lo 31-01-2013 par Marçau de l’Oliu

Primièr diplòma d’Estat en lenga occitana per adultes, lo Diplòma de Competéncia en Lenga (DCL) es obèrt a tot public e s’inscriu dins una amira de desvolopament personal o d’inseriment professional. Per passar lo DCL, inscrivètz-vos en linha abans lo 10 de març de 2013

Escrich lo 28-01-2013 par Marçau de l’Oliu

Per far avançar IEO Difusion, avèm besonh de l’ajuda de nòstres aderents aquesta setmana a Puèglaurenç

Escrich lo 25-01-2013 par Marçau de l’Oliu

Augan, l’IEO que participarà ad aqueste encontre organizat per l’associacion Rayons d’Oc

Escrich lo 18-01-2013 par

ELEN (European Language Equality Networt) qu’encontrè la comissària tà l’educacion e lo mutilingüisme, Dòna Androlla Vassilio, lo dijaus 17 de genièr. Per Tangi Louarn, secretari d’ELEN, la discutida qu’estó ua capitada e hòrt productiva.

Escrich lo 18-01-2013 par

Davant l’abséncia totala de mencion dei Lengas Regionalas dins lo projècte de "Lei d’orientacion e de refondacion de l’escòla", l’Institut d’Estudis Occitans vèn de mandar la letra çai-joncha a totei lei deputats e senators

Escrich lo 11-01-2013 par

Lo navèth site internet de venta dedicat au public de libes occitans de l’espaci de l’IEO Difusion (ex IDECO) es ara en linha. S’i poden crompar los libes en occitan e sus la cultura occitana editats per IEO Edicions mei los editors associats e l’estòc d’IDECO.

Escrich lo 21-12-2012 par Marçau de l’Oliu

Del 31 de decembre de 2012 al 6 de genièr de 2013, la seccion federala de l’IEO serà barrada. Notatz-o sus vòstras agendas !

Escrich lo 14-08-2012 par

Comunicat de l’Institut d’Estudis Occitans

Marselha, lo 13 d’agost de 2012

Escrich lo 07-08-2012 par Marçau de l’Oliu

Pendent la setmana del 23 de julhet, l’Estivada foguèt l’escasença ideala per presentar la version mai recenta de nòstra campanha als aderents, collaborators e public en general.

Escrich lo 01-08-2012 par

Lo divés 27 de julhet, au parat de l’Estivada, lo President de l’Institut d’Estudis Occitans, Pèire Brechet, capdau deu projècte, segondat per Domenge Château-Annaud, administrator encargat deu desvolopament d’accions numericas en çò de l’associacion, que presentè aus elegits e aus membres presents de la futura Comission Toponimica Occitana, la basa interregionau deus toponims occitans : bdtopoc.org

Escrich lo 31-07-2012 par Marçau de l’Oliu

Dins son taulièr, dubèrt a l’IEO 47-EOE e a IEO-IDECO, l’Institut d’Estudis Occitans a presentat al public del festenal l’ensem dels projèctes menats per l’associacion. A fin de vesprada, un aperitiu tematic s’organizava a l’entorn de las noveltats de nòstras accions : lo novèl visual de la campanha de (...)

Escrich lo 16-07-2012 par Marçau de l’Oliu

Al talhièr, traparètz las darrièras novelas sus l’IEO Federal e sas accions. Per cada fin de vesprada organizam un aperitiu tematic a l’entorn de nòstres projèctes. Sens parlar dels diplòmas amb mantun prenom occitan e del juòc que vos prepausam : un quizz !

Escrich lo 13-07-2012 par Marçau de l’Oliu

Del 25 al 29 de julhet e del 13 al 19 d’agost de 2012, la seccion federala de l’IEO serà barrada. Notatz sus las vòstras agendàs !

Escrich lo 28-06-2012 par Candicia

Qual vòl ganhar un tresaur, d’aitant mai un tresaur occitan… ? Vos caldrà pacientar fins al 1èr de genièr 2013, data del lançament de las operacions e dobertura oficiala de la caça…mas empacha pas de vos entresenhar avant, tot al contrari.

Escrich lo 17-04-2012 par Marçau de l’Oliu

Aquí la programacion completa per l’Amassada Generala de l’IEO a Niça los 12 e 13 mai que venon.

Escrich lo 11-04-2012 par Laurenç

La manifestacion «Anem Oc ! Per la lenga occitana !» qu’ei estada ua capitada, e los membres de l’Institut d’Estudis Occitans, pr’amor de la lor preséncia en fòrça lo 31 de març per las carreras de Tolosa, que ne son en bòna partida responsables. Que sia au nivèu de la Coordinacion* e dens lo Comitat (...)

Escrich lo 29-03-2012 par Marçau de l’Oliu

Cap de mergués, d’entrepan o de begudas (frechas, caudas o mai o mens alcoolizadas) per l’Institut d’Estudis Occitans que, dins lo talhièr dels organizaires (que partejam amb los autres membres de la Coordinacion « Per la lenga occitana ») presentarà sas activitats, mai de prene en man amb sos (...)

Escrich lo 23-03-2012 par Marçau de l’Oliu

15/03 : Acamp a la prefectura de Tolosa : presentacion deu dossier de securitat : preséncia de la Croix Rouge Française (plaça de l’Euròpa, passa-carrèra, Capitòli), policia municipau com policia nacionau, implicacions deus benevòles tà ajudar a la barradura de las carreras pròche deus baloards, els. La (...)

Escrich lo 21-03-2012 par Marçau de l’Oliu

La socializacion de la lenga occitana es una preocupacion maja de l’Institut d’Estudis Occitans [1], associacion reconeguda d’utilitat publica creada en 1945 a Tolosa, qu’a per tòca lo manten e lo desvolopament de la lenga e de la cultura occitanas dins lo respècte de sa diversitat. Las multiplas (...)

Escrich lo 09-03-2012 par Marçau de l’Oliu

Inspirat de la crida preparada per la Coordinacion "Per la lenga occitana", l’aperèt videò de Dètz.com foguèt publicat a la debuta d’aquesta setmana sus Vimeo e Youtube. Bon visionatge e doblidetz pas de la far virar ! var addthis_config = "data_track_clickback":true; !-- AddThis Button (...)

Escrich lo 02-03-2012 par Marçau de l’Oliu

La Coordinacion « Per la lenga occitana ! » qu’organiza la protesta Anem Òc ! del 31 de mars de 2012 a Tolosa, vòl rampelar amb aqueste comunicat las valors essencialas de tolerancia e de dobertura al monde que la cultura occitana i es estacada e totjorn l’es estada. Es doncas clar que lo (...)

Escrich lo 12-02-2012 par Marçau de l’Oliu

Coma va sabètz, Niça es una vila tant toristica que leis ostalariás e autreis aubergaments l’i son reservats de mes e de mes a l’avança.

Escrich lo 12-02-2012 par Laurenç

Lo divendres 3 de febrièr, lo Conselh general del Tarn, en partenariat amb lo Conselh regional de Miègjorn Pirenèus, convidava totes Miègjorn Pirenencs al Salon del Torisme Mahana per une animacion sul platèu de TV CT2E.

Escrich lo 09-02-2012 par Marçau de l’Oliu

LO DCL (diplòme de competéncia en Lenga) es un diplòme d’Estat desliurat pel ministèri francés de l’ensenhament. Dempuèi l’an passat, gràcias a l’investiment de l’IEO amb mai d’un associat, existís un DCL occitan. Aquel diplòma es dubèrt a totes quines que sián lo nivèl d’estudi e la competéncia de basa. A per tòca d’avalorar las competéncias d’utilizacion e de produccion de l’occitan dins un cadre social o professional. Las inscripcions son dubèrtas tre ara e fins al 11 de març 2012 sul site del DCL.

Escrich lo 04-01-2012 par Marçau de l’Oliu

L’Institut d’Estudis Occitans vos desira una bona annada, plan granada e plan acompanhada ! Que la lenga e la cultura nòstras contunhem dins lo camin cap a lors reconeissença e reviscolament. Al plaser de nos tornar véire pendent la manifestacion del 31 de març de 2012 a la Vila Mondina ! (...)

Escrich lo 28-11-2011 par Marçau de l’Oliu

Dempuèi 2008, editam una brocadura de sensibilisacion sus la lenga e la cultura occitanas a destinacion del grand public. Per 2012, cercam un novèl grafisme : Concepcion de la maqueta, d’una linha grafica integranta la coberta, realisacion, mesa en pagina, correccions dels textes, retòcas dels (...)

Escrich lo 28-10-2011 par Laurenç

Los 12 e 13 de mai de 2012, la seccion departamentau deus Aups-Maritimes de l’IEO (IEO-06), en associacion dab la seccion regionau PACA (CREO Provença), qu’organizarà l’Amassada Generau.

Escrich lo 18-07-2011 par Marçau de l’Oliu

Del 27 al 31 de julhet, del 8 al 12 e del 22 al 26 d’agost 2011, la seccion federala de l’IEO serà barrada. Notatz sus las vòstras agendàs !

Escrich lo 29-06-2011 par Marçau de l’Oliu

Lo 25 de junh dau 2011 la comuna de Coarasa faguèt un pas de mai a favor de l’occitan, demandant la certificacion de Coarasa per lo labèl « Òc per l’occitan ! » (nivèu 1). Toti li condicions estent reünidi, Coarasa, comuna dau 06 es la premiera comuna labellizada de l’espaci occitan.

Escrich lo 05-04-2011 par Cécile

La Marion e lo Toène, dos vielhs celibataris se tenen companhiá dempuei quasi 60 ans, dins lo masatge daus Erbals. D’autres son partits a la vila mas ilhs son demorats e ne’n partirán pas, manca de morir...

Escrich lo 14-01-2011 par Valentin

Lo dissabte 29 de genièr, la dictada occitana se debanarà dins 45 luòcs per tot lo territòri occitan e tanben a Barcelona. Dempuèi 14 ans l’eveniment s’espandís. Aqueste an es sus un tèxt de Christian Chaumont que portarà lo subjècte de l’espròva.

Escrich lo 13-01-2011 par Valentin

La mòstra Occitània realizada per l’IEO en debuta de 2010 sus comanda de laBibliotèca Departamentala vira regularament dins las diferentas comunas de Garona Nauta. Ne vaquí lo programa per 2011.

Escrich lo 28-10-2010 par Valentin

Volontariat per l’occitan es organizat per l’Institut d’Estudis Occitans. Coma lo Volontariat per Aranés, a per tòca la mesa en relacion d’un "Volontari" es a dire una persona que mestreja l’occitan correntament, amb un "Aprenent" es a dire qualqu’un que sap las basas de l’occitan e que vòl préner d’assegurança.

Escrich lo 21-09-2010 par Valentin

L’Institut d’Estudis Occitans èra present a l’Estivada, lo festenal occitan de Rodés que se debanèt a la fin de julhet.

Escrich lo 16-07-2010 par Valentin

L’IEO aurà aqueste an a l’Estivada un estand bèl ont seràn presentas d’unas seccions de la federacion. Nos i podretz retrobar tota la setmana del festenal, del 27 al 31 de julhet.