Sètz aicí : Acuèlh > Nòstras missions > Ensenhar l’occitan > Aprenem l’occitan ! L’occitan, je m’y mets ! > Campanha 2011-2012 "Aprenem l’occitan ! L’occitan, je m’y mets"

Campanha 2011-2012 "Aprenem l’occitan ! L’occitan, je m’y mets"

« Aprenem l’occitan ! l’occitan je m’y mets ! » es un supòrt d’informacion que es aicí per assabentar sus totes los corses d’occitan per d’adultes que existisson.

Campanha 2011-2012

Aprene una lenga es pas reservat als escolans, collegials e liceans e, per bon astre, es jamai tròp tard per s’i metre. Subretot quand òm vòl aprene l’occitan. Existís al prèp del cò vos una ofèrta variada de corses d’occitan, estagis d’estiu, estagis intensius imersius, cors per correspondéncia, cors del ser, per debutants o per de locutors avançats. Tot i es !

Pels demandaires d’emplec en reconversion professionala, l’occitan es un pus que pòt plan donar sus un emplec. Pels parents que an de mainatges escolarizats en escòla bilingüa o calandretas, la coneissença de l’occitan permet d’acompanhar lo mainatge dins son aprentissatge. Per la còla personnel enquadrant dins los ostals de retirada e/o los espitals, aquò permet d’èsser pus prèp del pacient. Pels mestièrs ligats al torisme o als productors locals, aquò permet de desvolopar una identitat originala ligada al païs. E puèi, l’aprentissatge d’una lenga, subretot l’occitan, a pas forçòsament besonh de se dotar d’arguments utilitaris. Aprenetz subretot l’occitan pel plaser, e amb plaser. Plaser de comunicar dins la lenga d’aquí, plaser d’accedir a una cultura rica sus totes los aspèctes.

Contacte
Vautres tanben, vos podètz informar a prepaus dels luòcs de corses, las actualitats ligadas a aqueles corses, estagis, formacions, etc. e autras entresenhas sul site :
www.aprenemloccitan.com,
contact@aprenemloccitan.com
o al :
0800 74 69 64 (nº verd, apèl gratuit dempuèi un pòste fixe).

Existís un fum de rasons per apréner l’occitan, mas una sola sufís, alavètz Aprenem l’occitan !


« Aprenem l’occitan ! l’occitan je m’y mets » es una campanha d’informacion suls corses d’occitan per adultes menada per l’Institut d’Estudis Occitans e los Centres de Formacion Professionala Occitans. A lo sosten del Conselh Regional d’Aquitània, del Conselh Regional d’Auvèrnhe, del Conselh Regional de Lengadòc-Rosselhon, del Conselh Regional del Lemosin, del Conselh Regional de Miègjorn-Pirenèus, del Conselh Regional del PACA, del Conselh Regional de Peitieu-Charentas, del Conselh Regional de Ròse-Alps e del Ministèri de la Cultura.

 

Lire la page en français
Portfòlio de l'article