Vous êtes ici : Accueil > Connaître l’IEO > Vie associative > Assemblées Générales > Compte rendu de l’AG 2010

Compte rendu de l’AG 2010

Le 8 et 9 mai 2010 à Limoges, fut organisée l’assemblée générale de l’IEO. En voici le compte rendu, accessible aussi en pièce jointe (pdf) en fin d’article. Ces comptes rendus ne sont accessibles qu’en occitan.

Compte rendu de l’AG 2010

Dissabde 8 de mai

Membres presents : 60. Poders : 119. Totau : 177.

 

10 h 30 : Amassada generala ordinària

David Grosclaude anóncia sa demission dau pòste de president de l’IEO e de membre dau CA, per fin d’assegurar la neutralitat politica de l’IEO e eschivar tot conflict d’interès que porriá nàisser compte tengut de son eleccion come conselhier regionau d’Aquitània.

Rapòrt morau presentat per David Grosclaude

Accions
L’objectiu es d’aver una influéncia sus la realitat de la lenga e de la cultura sus tres axes, la reinvindicacion, la reflexion, e l’accion.

La situacion linguistica de l’occitan
L’objectiu es la bastison d’una societat bilinga, onte l’occitan aja sa plaça a costat dau francés, e la mesa en plaça d’una politica linguistica que permeta d’i arribar.

« Anem ! Òc ! »
L’IEO fuguet tanben a l’iniciativa de la dinamica « Anem ! Òc ! », Qu’a permetut de ganhar la reconeissença de la part daus representants de las autras lengas de França.

Objectius concrets
Un quadre legislatiu es necessari, coma la mesa en plaça d’una vertadiera politica publica en favor de la lenga occitana.

Presentacion, discussion e votacion daus rapòrts d’activitat de l’IEO e d’IDECO (Jan Moreu e Cristel Roques).

Rapòrts financiers per la tresoriera Isabela Mejean.

Rapòrt d’activitat : votats a unanimitat manca 4 abstencions. Rapòrt financier : votat a unanimitat manca 4 abstencions.

12h : AG extraordinària

L’AG extraordinària adopta los noveus estatuts que se vòlon adaptats au fonccionament democratic e federatiu de l’IEO d’auei.

Pèire Brechet, sol candidat, es elegit president de l’Institut d’Estudis Occitans a l’unanimitat pel conselh d’administracion.

14 h 30 : Represa de l’amassada generala ordinària.

Debat sus l’organizacion de l’IEO Sirá perpausat una clarificacion de la plaça de las associacions aderentas a l’IEO, Nòta es presa de perpausar una formacion e un acompanhament aus benevòles que s’engatjan l’IEO e associacions afiliadas.

Debat sus la sega de las accions « Anem ! Òc ! » Es rapelat que se pòt soschar a de las accions ponctualas coordonadas emb las autras lengas de França, l’objectiu estent de menar una accion avant l’eleccion presidenciala de 2012.

21 h 30 : Debat emb los elegits.

Un debat es fach en preséncia de representants de las regions Aquitània e Miegjorn-Pireneus, de la municipalitat de Lemòtges, e una elegida de la region Lemosin, sus la politica interregionala en favor de l’occitan.

Diumenc 9 de mai

IDECO, sector edicion-difusion de l’IEO.
Robert Marti se retira de la direccion d’IDECO. Mellie Bourdoncle, es estada embauchada au mes d’abriu. Se formalizarà l’organizacion d’IDECO en sector de l’IEO, Esteve Ros assegurarà la supervision d’IDECO.

En cas d’adesion a doàs associacions afiliadas a l’IEO.
L’aderent paia nonmàs un còp la cotisacion completa a l’IEO, e, per la segonda adesion, paia nonmàs la part de cotisa que demòra en pròpi a l’associacion afiliada.

Informacion daus aderents
Lo compte rendut de l’AG 2010 sirá mandat electronicament a las associacions afiliadas, onte los aderents zo podrán obténer, e accessible sus demanda e sus lo site de l’IEO.

Melhoracion daus liams entre IEO federau e associacions afiliadas
Organizar los 5-6 de junh una reunion de concertacion entre las associacions afiliadas e lo CA de l’IEO federau, per preveire de faiçon coordonada las accions interregionalas a menar en 2010, e preparar d’encontrar los noveus elegits regionaus en charja de la cultura occitana au mes de setembre.

Natura e organizacion de la recercha au dintre de l’IEO
Si de la recercha de qualitat es facha per daus membres de l’IEO, es d’articular a una accion en favor de la lenga e de la cultura occitana. Quò-quí se contretiza, per exemple, per publicacions per IDECO, Per la publicacion daus lexics tematics, Per l’organizacion de collòquis, Per la creacion d’un departament pedagogic, Una publicacion electronica de l’IEO se poriá pensar coma fuguet autres còps las « Annales de l’IEO ».

Photo : De gauche à droite : Jean Moureu, directeur de l’IEO ; Pierre Brechet, nouveau Président de l’IEO ; David Grosclaude, Président sortant de l’IEO.

Lire la page en òc
Fichièrs de descargar