Sètz aicí : Acuèlh > Nòstras missions > Centre de ressorgas > Collòqui IEO 2010 sus la transmission familiau : Programa

Collòqui IEO 2010 sus la transmission familiau : Programa

Lo collòqui 2010 de l’IEO sus la transmission familiau se debanarà los 26 e 27 de novembre a l’IUFM Privàs (07). Vos podètz tre ara inscriure sul butletin d’adesion çai jos e veire lo programa.

Collòqui IEO 2010 sus la transmission familiau : Programa

Desvolopar formas d’acuèlh per la petita enfància bilinguas francés-occitan e en occitan : un enjòc màger per lo desvolopament dels enfants e per la transmission de la lenga occitana au sègle XXI.

Lo programa en pdf, version leugièra.
Lo butletin d’inscripcion al congrés.

 

Qual interès per los mainatges ?
Lo bilinguisme precòç, un avantatge per lo desvolopament cognitiu dels drollets de 0 a 3 ans.
Ponchs de vista d’especialistes de la tematica : psicolinguistas, cercaires, praticians del bilinguisme precòç, mètge d’un servici de Proteccion Maternala Infantila.

Coma prepausar e estructurar formas d’acuèlh bilinguas per la petita enfància ?
Exemples de grèpias bilinguas francés-breton, francés-alemand, francés-italian.
Exemple de grèpias immersivas en basc.
Presentacion de la primièra grèpia bilingua francés-occitan.

Se parlarà de tot aquò los 26 e 27 de novembre a l’IUFM de Privàs en Ardecha a l’escasença d’un collòqui excepcional.

Un luòc d’escambis
Aquel collòqui sarà un luòc d’escambis ubèrt a tots los qui son interessats per aquela tematica : parents, professionals de la petita enfància, elegits, monde interessats per lo bilinguisme e lo plurilinguisme, curiós...
Volèm qu’aquel congrès siá la debuta d’una reflexion collectiva e del desvolopament vertadièr del bilinguisme francés-occitan dins las estructuras d’acuèlh de la petita enfància.

— 
Collòqui organizat per l’Institut d’Estudis Occitans,
en partenariat amb lo Conselh General d’Ardecha, amb lo sosten de las Regions Ròse-Alps, Miègjorn-Pirenèus, Provença-Alps-Còsta d’Azur, Aquitània, Auvèrnhe, del Ministèri de la Cultura, e amb l’ajuda tecnica de l’IUFM d’Ardecha, del CDDP d’Ardecha, e de l’Institut d’Estudis Occitans d’Ardecha.

Entre-senhas, inscripcions :
05 34 44 97 11
11, carrièra Malcosinat
31000 Tolosa
direccion@ieo-oc.org

Lo comunicat del President de l’IEO

Lo bilinguisme precòç, un enjòc màger per lo desvolopament cognitiu de l’enfant. La transmission de la lenga a la petita enfància, un enjòc màger per la sobrevida de la lenga occitana.

 

Uèi, los scientifics s’endevènon sobre las vertuts dau bilinguisme precòç (0 – 3 ans) per los petitons. Estimula lor esvelh e a un efèit positiu sobre lor desvolopament cognitiu.
S’endevènon mai sobre lo fait que la construccion d’un bilinguisme equilibrat depend pro dau moment que s’amauda, lo mai d’ora èsser lo mèlhs. Per qu’un enfanton venha bilingue, li chau permetre un contacte regular e estimulant amb cada lenga, en sonhant mai particularament la lenga minorizaa, aquela qu’es pas gaire o pas parlaa dins la societat.

La lenga occitana es presenta de pertot en Occitània, evidentament amb lo mond que la parlan encara (e mai lor nombre contunhe de baissar) e aqueus que la comprenon, mas aitanben per los noms de luòcs, la musica, la literatura, los mèdias o encara Internet.

Pòt ben resistir, es pasmens en dangièr ; e la question de sa transmission es una question màger e decisiva per son avenir. Una generacion nòva arriba qu’es presta de s’encharjar d’aqueste avenir mas li fai besonh de trobar dins la societat las estructuras, las informacions e las espleitas necessàrias que l’ajuaràn dins aqueste acte volontarista.

Quò’s una de las escomesas qu’avèm de téner per nòstre sègle.

L’occitan es un ben collectiu. Es l’afaire de totes : tant d’aqueus que lo parlan coma d’aqueus que desiran, e mai lo parlèssen pas, que d’autres que vendràn d’après lo puèschan parlar.

Pèire Brechet,
President de l’Institut d’Estudis Occitans

Per veire lo programa del congrés, picar suls imatges.

Lire la page en français
Portfòlio de l'article
Fichièrs de descargar