Sètz aicí : Acuèlh > Nòstras missions > Agir per la lenga nòstra > Collòquis > Declaracion facha dins lo cadre de las XXIVaus encontres interregionaus de las lengas e culturas de França

Declaracion facha dins lo cadre de las XXIVaus encontres interregionaus de las lengas e culturas de França

Declaracion facha dins lo cadre de las XXIVaus encontres interregionaus de las lengas e culturas de França

L’Institut d’Estudis Occitans, membre deus RILCRs, que comunica :

Comunicat

Dauna, Sénher,

Amassats a Rennes en çò deu Conselh regionau de Bretanha entre lo 26 e lo 28 de noveme, au parat deus XXIVaus Encontres (tematica : identitats culturaus e linguisticas e desvolopament deus territòris), los representants deus organismes publics e associacions de França exagònala e de las regions ultra-marinas qu’ òbran entà la diversitat de las lengas e de las culturas com entà la defensa e la promocion de las lengas e culturas regionaus, que denoncian ua refòrma territoriau que seré la quite negacion de la lors realitats culturaus, economicas e sociaus e de l’arrespècte de la diversitat e de la democracia.
Qu’apèran l’ensemble deus parlamentaris a regetar aquesta refòrma tecnocratica e contrari aus interès de las poblacions (que ne son los representants elegits) e a ahortir la mobilizacion entà la formacion de regions coerentas dab estatuts particulars que’us permeten de’s desvolopar.

Declaracion deus representants* de las lengas e culturas de la Republica Francesa

Amassats dens lo cadre deus XXIVaus encontres interregionaus de las lengas e culturas de França a Rennes en çò deu Conselh Regionau de Bretanha, lo divés 28 de noveme de 2014.


Solidàriament,

  • Qu’exprimim la consternacion nosta de cap au replec identitari francés e a la politica regressiva menada peu govèrn dens lo cadre de la refòrma territoriau. Aquesta refòrma qu’es la quite negacion de las especificitats deus territòris, de las diversitats linguisticas e culturaus com de las realitats economicas e sociaus ;
  • Que denonciam un negament de democracia. Lo governament, en tot arrefusar aus ciutadans la possibilitat de determinar eths-medeishs la lor region o territòri, que viòla l’article 5 de la Charta europèa de l’autonomia locau ;
  • Que denonciam de mei ua recentralizacion. L’Estat qu’impausa un descopatge arbitrari, incoerent e tecnocratic de las regions. Au parat d’aquesta refòrma, que torna balhar au prefècte la preeminéncia suus elegits deu pòble ;
  • Que denonciam per alhors ua politica qu’organiza la regression de las lengas ditas regionaus en tot har empach aus esfòrçs deus lors locutors e de las politicas locaus entà las har viver e prosperar ;

Que constatam l’existéncia suu territòri francés, en se tot conformar a la Constitucion, de collectivitats territoriaus a estatut particular (Metropòlis, Grand Paris, Grand Lion, Corsega...).

Que demandam la mesa en plaça de collectivitats territoriaus navèras a estatut particular, coerentas e confòrmas aus interès linguistics, culturaus e economics de las poblacions e deus territòris. Atau que serà ahortida l’obertura de cap a l’Euròpa e au monde.

Aquestas collectivitats que deverén estar dotadas de la competéncia linguistica entà valorizar e de desvolopar las lengas nostas.

Qu’aperam los actors culturaus, los elegits, e l’ensemble deus cuitadans a relaiar aquesta declaracion e a ahortir aquesta mobilizacion.


Lo President
Raymond Yvon Bissol


*Representants de : Alsàcia, Bretanha, Catalonha, Guadalope, Guaiana, La Reunion, Martinica, Maiòta, Occitània, Bascoat.

Lire la page en français