Sètz aicí : Acuèlh > Actualitat > Arquius > Estivada 2013 dab l’IEO

Estivada 2013 dab l’IEO

Las accions interregionaus, l’edicion e la difusion deu libe occitan: un còp mei, l’IEO (benevòles e salariats) que serà present a l’Estivada de Rodés

Estivada 2013 dab l’IEO

IEO Edicions : au parat de la sortida de la plega de 2013 e deu darrèr opus de Robert Marty (Viaur, roman en francés arrevirat de l’occitan), IEO Edicions qu’es uros de’vs convidar a viéner encontrar los sons autors deu 24 au 26 de julhet, dens l’espaci de l’IEO a l’Estivada de Rodés. Programa previsionau (mercés de s’entresenhar cad jorn) :

Dimèrcs 24 de julhet a partir 17h30 : Joan Ganhaire : Vautres que m’avètz tuada (Atots, Plega 2013), Las tòrnas de Giraudon, Sòrne traslucs, Las islas jos lo sang,…

Dijaus 25 de julhet
A partir de 17h00
Romièg Jumèu : Pantòri (Atots, Plega 2013), Cronicas imaginàrias, E siguèsse una nafra... la lutz, …

Magalí Bizot-Dargent : Cronicas pacolinas, Questions essencialas e autreis escrichs minusculs

A 18h00 se junharà Robert Martí : Viaur (noveltat 2013, Passatge), Lo balestrièr de Miramont... en preséncia d’Eric Fraj que arrevirè en francés los sons dua romans editats dens « Viaur »

Divés 26 de julhet a 16h30 : Sèrgi Gairal : Las vacanças de Pascas (Atots, Plega 2013), lo fuelh rosegat

mei d’entresenhas / comandas: www.ideco-dif.com/ieo_edicions

IEO Difusion: IEO Difusion que serà present a l’Estivada dab quasi l’ensemble deus libes d’IEO Edicions. Que serà l’escasença de crompar la plega 2013 (remesa de 5% peu crompar de la Plega sancèr), completar las vostas colleccions ATots, atots crimis, Tèxtes e documents, etc. La prioritat que serà balhada au servici deu public (associacions e Professionaus que seràn liurats en fin d’Estivada, en foncion de las disponibilitats)

IEO : Pendent l’Estivada, tota la cola salariada de l’IE Oque serà presenta a Rodés, e los burèus de Tolosa que seràn tampats. Devath la tenda de l’IEO, que poderatz cad jorn vos entresenhar sus las accions en cors de l’IEO de cap a la socialisacion de la lenga occitana com enta’us projèctes que son prevists per 2014. L’anuari deu labèl « Oc per l’occitan » 2013 e l’Occitan qu’es aquò que seràn difusats, e las seccions ne poderàn préner tanben per ua difusion mei larga pendent l’estiu e au-delà. Toponimia, transmission naturau e aboriu de l’occitan, la campanha de comunicacion deus cors enta’us adultes, lo labèl PARLESC, la revista Anem Occitans, centres de ressorças, etc… que vos seràn presentats. labètz, « Chabatz d’entrar ! »

Lire la page en français