Sètz aicí : Acuèlh > Actualitat > Arquius > IEO Difusion: un site navèth entà la difusion deu libe occitan (IDECO)

IEO Difusion: un site navèth entà la difusion deu libe occitan (IDECO)

Lo navèth site internet de venta dedicat au public de libes occitans de l’espaci de l’IEO Difusion (ex IDECO) es ara en linha. S’i poden crompar los libes en occitan e sus la cultura occitana editats per IEO Edicions mei los editors associats e l’estòc d’IDECO.

IEO Difusion: un site navèth entà la difusion deu libe occitan (IDECO)

L’adreça ne cambia pas : www.ideco-dif.com, dab la possibilitat de pagar per chèc e CB.

Qu’es un espaci bastit sus ua presentacion deu catalòg per editor ; la recerca per genre qu’es tanben possible, o per mot clau (titol, autor, editors,…). Qu’es un site pensat bilingüe, entà que l’ensemble de la poblacion lo posqui utilizar, mes la lenga occitana es tostemps visibla, pr’amor qu’es la tòca de l’IEO de socializar la lenga de cap a un public larg.

Lo site que permet de presentar las òbras de mei d’ua faiçon, en francés com en occitan donc, mes tanben mercés a d’articles de premsa, las bonas paginas, las bibliografias deus autors, las actualitats. Los autors, com los legidors, que poden mandar la lor contribucion (en occitan e en francés) a ieodifusion@ideco-dif.com.

Aqueste site n’es segurament pas perfèit, un eish de desvolopaments que son enqüèra en cors, mes qu’esperam que serà adaptat aus espèrs de la societat.

 

Lire la page en français