Sètz aicí : Acuèlh > Actualitat > Arquius > L’IEO serà present a l’edicion 2014 de l’Estivada

L’IEO serà present a l’edicion 2014 de l’Estivada

L’IEO serà present un còp de mai sul festenal Occitan de Rodés, l’Estivada, entre le 23 et le 26 juillet 2014. Aital podretz descubrir dins las tendas de l’IEO, las sèunas accions interregionalas, lo malhum de l’IEO, l’edicion e la difusion de libres occitans. La còla salariada i serà plan urósa de vos encontrar.
E vaquí lo programa !

L’IEO serà present a l’edicion 2014 de l’Estivada

IEO Edicions : la plèga ven de sortir e ela e los sèus autors vos espèran dins la tenda de l’IEO per de sesilha de signatura dels libres. Aital que Arvèi Terral per vos parlar de son libre "L’Occitanie en 48 mots".






Divendres 25 de julhet a partir de 19o : Arvèi Terral : L’occitanie en 48 mots (2014), La langue d’oc devant l’école (1789-1951) (2005), ...





Dissabte 26 de julhet a partir de 19o : sesilha ambe los autors de la plèga :

Magalí Bizot-Dargent : Esquissas per un retrach de l’ombra (Atots, Plega 2014), Cronicas pacolinas, Questions essencialas e autreis escrichs minusculs, ...







Alem Surre Garcia : Man trobat (Atots, Plega 2014), ...








Romieg Jumèu : Embolh a Malamosca (Atots, Plega 2014), Cronicas Imaginàrias (Atots), Pantòri (Atots, Plega 2013), E siguèsse una nafra... La lutz (messatges), Sénher quau (Atots), ...







Sergi Viaule : Fotuda Planeta (Atots Plega 2014), ...







mai d’entresenhas / comandas : www.ideco-dif.com/ieo_edicions

IEO Difusion: l’estand d’IEO difusion serà present pendent l’Estivada, podretz crompar de libres presents sul site : www.ideco-dif.com/ieo_edicions


IEO : Pendent l’Estivada, tota la cola salariada de l’IEO serà presenta a Rodés, e los burèus de Tolosa seràn tampats. Cada jorn jol la tenda, vos podretz entresenhar sus las accions en cors de l’IEO cap a la socializacion de la lenga occitana e tanben suls projèctes prevists per 2015.
L’anuari del labèl « Òc per l’occitan » 2014 ven de paréisser e vos espèra sus l’estand, atanben que l’Occitan qu’es aquò.
Traparetz tanben d’entresenhas sus las seccions de l’IEO e tanben suls labelizats "Òc per l’occitan".
E coma de costuma : Toponimia, transmission naturala e aboriu de l’occitan, la campanha de comunicacion dels corses pels adultes, lo labèl PARLESC, la revista Anem Occitans, centres de ressorças, etc… vos seràn presentats. Alavètz, « Chabatz d’entrar ! »

E aquesta annada, la caça als tresaurs arriba sus l’Estivada ! Poiretz començar la vòstra caça e partir ambe cinq tampons, e doncas cinq indicis per començar la vòstra caça !

Esperam vos veire nombroses !

Lire la page en français