Sètz aicí : Acuèlh > Nòstras missions > Viure l’occitan cada jorn > Servici de l’Emplec > L’emplec en occitan qu’auhereish possibilitats professionaus e uns emplecs de qualitat

L’emplec en occitan qu’auhereish possibilitats professionaus e uns emplecs de qualitat

Un an après l’aviada deu "Servici de l’Emplec", la pausa qu’ei venguda de hèr un permèr bilanç suu segment deu mercat de l’emplec qu’arrepresenta l’emplec en occitan.

L’emplec en occitan qu’auhereish possibilitats professionaus e uns emplecs de qualitat

 
Un volum d’emplec deus bons : Deu punt de vista quantitatiu, lo "Servici de l’Emplec" a repertoriat mei de 170 emplecs creats e necessitant competéncias en lenga occitana. Aquera chifra que permet de confirmar l’utilitat deu "Servici de l’Emplec". En mei d’aqueth volum d’emplec, ua analisi qualitativa deus emplecs en occitan que hè necèra.

Aufèrtas pas especiaument de las precàrias : En efèit, la màger part de las auhèrtas d’emplec occitan en 2010 que concerniscó auhèrtas de tribalh a temps plen e salaris superiors au minimum legau. Entà comprénguer melhor la realitat deu mercat de l’emplec en occitan, qu’ei oportun de citar quauquas chifras claus de l’emplec occitan : • 54 % de pòstes a temps plen, • 60 % de salaris superiors au SMIC, • 32 % d’auhèrtas en CDI, • ua bèra suberrepresentacion de l’ensenhament (70 % deus pòstes creats). • ua suberrepresentacion de Mieidia-Pirenèus (32 %), Lengadòc (28%) e Aquitània (28 %) dens la reparticion geografica d’emplecs navèths. • 55 % de las auhèrtas degudas a associacions e 30 % a "l’Éducacion Nationale”. • 67 % de las auhèrtas exigigeishen ua mestria correnta de l’occitan.

Atau, l’occitan que pervei tanben emplecs de qualitat. A l’òra de causir ua orientacion, los futurs estudiants qu’an de pensar a la possibilitat d’obténguer un pòste en occitan hens l’Éducation Nationale (70 % de CDI). Aquesta que creè 34 pòstes en CDI e a temps plen en 2010. Mes que mes mercés au CRPE especific occitan que perpausa tostemps mes pòstes de professors entà las escòlas bilinguas.

Conclusion de l’estudi deu mercat de l’emplec en occitan : Aqueste estudi que hèr véger 3 resultats màgers : • Ua manca relativa de candidats respècte a l’auhèrta de tribalh en occitan (e donc, ua necessitat de formacion de las granas), d’autan mes que plan d’auhèrtas demandan ua mestria correnta de l’occitan. • Ua disparitat geografica en favor de las regions Mieidia-Pirenèus, Lengadòc e Aquitània • Un efèit positiu deu "Servici de l’Emplec" au nivèu de l’intermediacion que hè véger los comentaris deus emplegaires (entà un medish pòste a Tolosa, 2 candidats occitanofònes en 2008 e 7 en 2010) e lo creish regular de la mejana cumulada de visitas deu site internet pendent tota la pausa concernida per l’estudi.

Totas las ofèrtas d’emplecs actualizadas que son suu site : www.emplec.com
L’estudi detalhat de las estatisticas d’auhèrtas d’emplec gessidas deu "Servici de l’Emplec" qu’ei disponible aicí.

 

Lire la page en français
Fichièrs de descargar