Sètz aicí : Acuèlh > Nòstras missions > Agir per la lenga nòstra > NPLD > La rubrica d’informacions del 14/10/2016 del NPLD

La rubrica d’informacions del 14/10/2016 del NPLD

Lo NPLD (malhum de promocion de la diversitat lingüistica), que l’IEO n’es membre, nos presenta diferents rendetz-vos e accions avenidors per afortir la riquesa lingüistica d’Euròpa.

La rubrica d’informacions del 14/10/2016 del NPLD
  • Lo Centre de recerca Mercator sus lo multilingüisme e l’aprendissatge de las lengas organisa una conferéncia lo 11 de novembre de 2016 a Leeuwarden (País Bas). I serà question de l’immigracion creissenta dels locutors de las lengas minoritaris. Los debats tocaràn los aspèctes politics, socials e educatius, e mai las bonas coexisténcias entre las lengas majoritàrias e minoritarias.
    Per conèisser lo programa d’aquesta jornada, clicatz aicí.
  • Los discors ideologics sus lo multilingüisme seràn estudiats los 18 e 19 de novembre de 2016 al moment d’una conferéncia organizada per l’universitat de Graz (Austria). Aquestes diferencias linguisticas e politicas apareisson tant mai que grandas que lo nombre dels ciutadans multilingües augmentan.
    Per ne saber mai, clicatz aicí.
  • "Novèls locutors e Euròpa multilingüa, opportunitats e desfís", tal es lo tèma que serà abordat los 16 e 17 de novembre de 2016 a l’universitat de Cracòvia (Polonha). Aquesta institucion presentarà los resultats de sas darièras recercas sus los enfants bilingües immigrats per mai comprene la relacion entre mobilitat e integracion de las lengas.
    Per aver accès al programa, clicatz aicí.
  • Taula ronda sus lo multilingüisme e la diversitat linguistica dins l’Union europèa organizada lo 4 de novembre de 2016 per la Fondacion Nexe e lo Centre Maurits Coppeiters de Valencia (Espanha). Seràn abordats los diferents tipes de gestion de las lengas d’Europa, especialament del catalan en Espahna, del galés en Anglatèrra, del finés e del suedés en Finlàndia.
    Per aver coneissença de la programacion, clicatz aicí.
Lire la page en français