Sètz aicí : Acuèlh > Nòstras missions > Centre de ressorgas > Terminologia > Las Reglas d’escritura de la toponimia occitana son disponiblas

Las Reglas d’escritura de la toponimia occitana son disponiblas

Lo primièr tòme de la colleccion pertocant a la toponimia occitana, « reglas d’escritura », ven de sortir en çò de l’IEO. Es possible de lo comandar a l’IEO o de lo consultar en linha.

Las Reglas d’escritura de la toponimia occitana son disponiblas

Elaborat mercès au trabalh realizat en çò de la Comission Toponimica Occitana©, que presenta las diferentas reglas que permeton de « normalizar » un toponim occitan, en prenent en compte la riquesa e la varietat de la lenga occitana en Occitània.

Lo libret en occitan de 16 paginas balha dins una primèra partida las definicions : toponims oficials, toponims non oficials, tèrme generic e element especific, article e preposicion, toponim simple e toponim compausat, apellatiu, generic explicit, idronims (e odonims e oronims), categorizacion geografica e enfin designacion cartografica.

Las reglas d’escritura que son organizadas en 9 rubricas :

  • Generalitats (accents, article, mots simples, generic simple e mots compausats sòudats) ;
  • Articles contractat ;
  • Chifras ;
  • Designacion georgrafica ;
  • Majusculas e minusculas ;
  • Apellacions oficials ;
  • Plural dels noms pròpres ;
  • Los generics ;
  • Junhent.

Lo site bdtopoc.org, l’esplech de socializacion dels toponims occitans, es tanben a se tornar bastir. Permet una recerca a mai d’un nivèl d’un toponim (en fonccion, per exemple, de l’importancia de la poblacion de la vila).

Es tanben una entrada de cap a las fichas toponimicas, que permeten de saber l’istoric d’un toponim e d’explicar perqué tal o tal toponim occitan es estat retengut, en tot tiéner compte tanben de las règlas d’escritura presentadas dins lo libret sus-citat. De notar que la seccion departamentala de Droma trabalha actualament sus toponims dins lo cadre d’un projècte finançat per la region. La basa que vendrà enriquir pro lèu lo site bdtopoc.org

Es possible de consultar lo libret en linha çai-dejós o de lo comandar a l’IEO (lo libret es gratuit) :
IEO
11, carrièra Malcosinat
31000 Tolosa
animacion@ieo-oc.org


 

Lire la page en français