Sètz aicí : Acuèlh > La lenga occitana > Lenga occitana: Demanda d’asil culturau a l’UNESCO

Lenga occitana: Demanda d’asil culturau a l’UNESCO

Aqueste dimèrcs 15 de mai de 2013, representants de las associacions membres de ELEB/EBLUL França, acompanhats per elegits e militants de las lengas ditas regionaus, que se son recampats de cap au sieti de l’UNESCO a París per reclamar ua demanda d’asil culturau ad aquesta organisacion internacionau.

Lenga occitana: Demanda d’asil culturau a l’UNESCO
JPEG - 20.2 ko

Qu’esto ua purmèra ! Militants culturaus de l’ensemble de las lengas minorisadas, acompanhats per elegits (deputats, senators, conselhers regionaus) de tota tendancia politica, que se son recampants de cap au sieti de l’organisacion internacionau deus Estats Units dedicada a la cultura, l’UNESCO, tà demandar ua demanda d’asil culturau.

JPEG - 282 ko

L’IEO que s’engatgè dens aquesta iniciativa, coma membre deu Collectiu deu 31 de març de 2012 (recampament de las diferentas coordinacion organizatoras de las manifestacions de 2012, "Per la lenga occitana" a Tolosa (IEO - Calandretas - Oc-Bi) e membre d’ELEN/EBLUL França), mercés a Ana-Maria Poggio, VP encargada de la mobilisacion lingüistica e Alexis Quentin, president de l’IEO-75 e secretari executiu d’ELEN/EBLUL França.

Ua delegacion de representants de las associacions culturaus de las diferentas lengas, acompanhats per dus deputats (Paul Molac e Silviana Alaux), ua senatora (Espagnac) e un conselher regionau de Miègjorn-Pirenèus (Guilhèm latruvèrsa) qu’esto recebuda peu secretari Mauro Rosi.

JPEG - 216.1 ko
JPEG - 287.5 ko

Lo director de l’IEO, Laurenç Gòsset, que rebrembè la situacion actuau de discriminacion de las lengas ditas regionaus, dens un arrefús de modificar la constitucion francesa per l’Estat, e lo renegament en consequéncia de la promessa n°56 deu candidat/president Francés Hollande, quan justament, la constitucion com la lei que deu perméter a la societat de s’organisar en foncion de las demandas de las aspiracions deux ciutadans. Qu’èra ua situacion plan marrida e non compresa, dsubretot après la mobilisacion tolosana de 2012.

JPEG - 239.6 ko
JPEG - 143.3 ko

La demanda oficiau d’asil culturau, signada per l’ensemble deus participants au nom de la lor organisacion, qu’esto remetuda au sénher Rosi per Joan-Francés Laffont.



JPEG - 288.8 ko
JPEG - 178.9 ko

Après ua orada d’escambis, la delegacion que posquo assegurar los militants presents de la volontat de l’UNESCO d’estudiar la nosta demanda d’intervencion de cap a l’Estat francés, ua demanda que serà seguida dab atencion ! Après un darrèr recampament darrèr la banderola bèra aprestada entà l’esveniment, los participants que se’n tornen tà definir las estapas a viéner de la mobilisacion.

Alexis Quentin que’ns balha la soa reaccion de cap ad aquesta jornada excpecionau de mobilisacion a Paris.


Interview d’Alexis Quentin - IEO - Demande d... par Institut_Estudis_Occitans


Demande d’asile culturel UNESCO - 15/05/2013... par Institut_Estudis_Occitans

La declaracion de Joan-Francés Laffont a la sortida deu sieti de l’UNESCO, au nom de l’ensemble deus participants ad aquesta jornada

Lo reportatge breton

 

Lire la page en français
Portfòlio de l'article