Vous êtes ici : Accueil > Letra d’informacion > Letra en occitan > Letra d’informacion nº 11 - Abril de 2011

Letra d’informacion nº 11 - Abril de 2011

Letra d’informacion nº 11 - Abril de 2011

Aquesta letra d’informacion es en occitan. Per la legir en francés, clicatz aicí

Dins aquesta letra son las darrièras actualitats de l’Institut d’Estudis Occitans. Bona lectura !

Retrobatz lo Servici de l’emplec sul fòrum " los emplecs de la lenga” de Pau. Lo dimèrcs 6 d’abriu 2011, lo Medoc de Pau organizarà un fòrum sus l’occitan e sos emplecs a la facultat de letras de Pau (amfiteatre 1 o 2). A 14h00 podretz assistir a una conferéncia : "une langue régionale : un atout pour l’emploi" faita per Sebastian Pugin, en carga del Servici de l’Emplec a l’IEO. Ne saber mai.

L’IEO sus Facebook. Facebook es un malhum ont l’occitan es pas daissat de caire. Dempuèi lo mes de decembre 2010, l’IEO federal a tanben son perfil sus aquel malhum. I parteja los eveniments de son iniciativa, relaia los eveniments de las diferentas seccions de l’IEO, e d’autres. Partejatz vautres tanben los articles publicats per l’IEO. A la fin dels articles de fons que l’IEO publica sus aquel site e tanben sul Servici de l’Emplec, podètz d’ara enlà clicar per los partejar, sus Facebook, Myspace, Twitter, etc. Ne saber mai.

L’actualitat del labèl Òc per l’occitan : L’IEO amb l’Ofici per l’occitan lança una letra d’informacion sul labèl Òc per l’occitan. Ara podètz doncas recebre regularament las informacions sus las novèlas estructuras qu’an recebut lo labèl "Òc per l’occitan" (entrepresas, associacions, comèrcis, artesans) e descobrir aital lor activitat. S’inscriure.

Espectacle a venir. Lo dissabte 21 de mai, a l’escasença de l’Amassada Generala de l’IEO, serà jogada la peça de teatre en occitan“La republiconeta dels Erbals”. Una istòria atipica entre la Marion, lo Toène, dos vielhs celibataris e Lukà, un emigrat iogoslau. Entresenhas

Lo Volontariat per l’occitan es plan acabat… Quitament se sètz nombroses de mandar encara la vòstra inscripcion. Aquela primièra iniciativa es estat un succès onorable. Mercés doncas a totes los qu’an participat, qu’an jogat lo jòc de se rescontrar regularament per charrar en occitan – e que contunhan de se rescontrar per unes d’entre vautres. Mercés per las contribucions que cadun mandèt per far part als autres de sa faiçon de s’apropriar lo Volontariat… Legir l’article

 
Lire cette page en français