Sètz aicí : Acuèlh > Letra d’informacion > Letra en occitan > Letra d’informacion nº 17 - Abans la Manifestacion del 31 de Març

Letra d’informacion nº 17 - Abans la Manifestacion del 31 de Març

Letra d’informacion nº 17 - Abans la Manifestacion del 31 de Març

Aquesta letra presenta los darrièrs articles pareguts sul site internet de l’IEO. S’i apondon las nòvas ligadas a la lenga occitana e a la vida federativa de l’IEO, e mai que mai a la granda manifestacion Anem Òc aquest dissabte a 14h a Tolosa. Bona lectura a totes !

Anem Òc 2012 - Videò de promocion Inspirat de la crida preparada per la Coordinacion "Per la lenga occitana", Dètz.com publiquèt un aperèt videò sus Vimeo e Youtube. Bon visionatge e doblidetz pas de la far virar !

L’IEO al Vilatge Occitan Dins lo talhièr dels organizators (que partejam amb los autres membres de la Coordinacion "Per la lenga occitana") presentarem nòstras activitats, mai de prene en man amb nòstres partenaris e los benevòlis l’organizacion d’aquela jornada. Mai d’infòs.

Lo nº 139 d’Anem Occitans es paregut A la una : la reestructuracion de l’IEO Region Alvernhe, L’occitan qu’es aquò 2012 e un bèl article suls carnavals d’Occitània. La musica bovina i es tanben consagrada. Dins lo dorsièr central, avètz d’entresenhas practicas per poder anar a Tolosa lo 31 de març. La seguida aicí.

Rescontre internacional de fotbòl Dins un contèxte de manifestacions, l’Occitània rescontrarà la còla dels Sápmis ("lapons") lo 30 de març de 2012 a 19h a Tolosa, un rescontre internacional amb un autre país de lenga minorizada en Euròpa. La seguida aicí.

La mobilisacion que contunha Un compte-rendut complet amb tot çò que se debanèt (e que se debana) a l’entorn de la manifestacion Anem òc. La seguida aicí.

 

Lire la page en français