Sètz aicí : Acuèlh > Letra d’informacion > Letra en occitan > Letra d’informacion nº 27 - genièr/febrier de 2014

Letra d’informacion nº 27 - genièr/febrier de 2014

Aquesta letra presenta los darrièrs articles pareguts sul site internet de l’IEO. S’i apondon las nòvas ligadas a la lenga occitana e a la vida federativa de l’IEO. Bona lectura a totes!

Lo n°146 de la revista Anem Occitans es sortit !
Dins aqueste numerò, lo punt suls projèctes de l’IEO, las accions de las seccions regionalas e departamentalas, las actualitats que pertòcan l’IEO, presentacion de las darrièras parucions en matèria de libres e disques. A la una: l’interés del benevolat dins las accions de terren, la caça als tresaurs d’Occitània, lo Pargue Natural regional de la Santa Bauma. Per legir l’ensenhador de la revista picatz aquí.

Lo n°145 de la revista Anem Occitans es disponible en linha ! Anem Occitans nº 145 disponible en linha A la fin d’aqueste article, podètz legir aquela edicion en linha e tanben la descargar.

Apèl a benevòls per inventòri a IEO Difusion. Coma cada annada, IEO Difusion (IEO IDECO) a besonh d’ajuda per l’inventari de debuta d’annada. Se debanarà lo dijòus 23 de genièr, a Puèglaurenç dins Tarn, dins los locals de IEO Edicions & IEO Difusion (IEO IDECO). Per vos senhalar, mercés de seguir aquel ligam.

Comunicat de l’IEO: contribucion al debat pertocant a las proposicions de lei constitucionalas
Lo punt de vista de l’IEO pels debats a venir suls tèxtes de proposicion de lei constitucionalas, per modificar la Constitucion dins la perspectiva de ratificar la Carta Europenca de las lengas regionalas o minoritàrias. Per o legir, picatz aquí.

Conferença de premsa per la caça als tresaurs d’OccitàniaLo dimècres 29 de genièr a 11 oras, una conferença de premsa serà organizada a l’Ostal d’Occitània a Tolosa. La premsa i es donca esperada, atanben que las personas que se pausan de questions sus aquela caça al tresaur.Per legir l’article, picatz aquí.

Lo DCL tòrna per 2014 Passatz vòstre diplòma de competéncia en lenga occitana (DCL) ! Primièr diplòma d’Estat en lenga occitana per adults, lo diplòma de competéncia en lenga (DCL) es obèrt a tot public : salariat, demandaire d’emplec, estagiari de la formacion professionala, estudiant, particular... S’inscriu dins una amira de desvolopament personal o d’inseriment professional. Per passar lo DCL, inscrivètz-vos en linha abans lo 6 d’abril de 2014. Mai d’entresenhas aquí.

Dos articles suplementaris interessaràn los que vòlon ajustar d’occitan dins lor comunas Lo primier es un document mes a jorn e que concerna la mesa en plaça de senhalizacion bilingüa dins las comunas. Lo segond es a prepaus de las accions que se pòdon far e demandar per l’occitan dins las comunas.

Selon la loi 78-17 du 6 janvier 1978, vous disposez d’un droit d’accès, de rectification et de suppression des données vous concernant, qui sont détenues par l’Institut d’Etude occitanes et ne sont ni vendues ni données à des tiers. Pour l’exercer, écrivez à l’adresse suivante : comunicacion@ieo-oc.org

Lire la page en français