Sètz aicí : Acuèlh > Letra d’informacion > Letra en occitan > Letra d’informacion n°1 - Abril de 2010

Letra d’informacion n°1 - Abril de 2010

Letra d’informacion n°1 - Abril de 2010

Una novèla letra d’informacion de l’IEO. !
Aquesta arrivarà ara cada mes per contar la vida de l’associacion e de son malhum. Mai regulara que la revista Anem Occitans !, aquesta letra ne serà un complement.

Eleccions Ne sètz benlèu al fial, las seccions regionalas de l’IEO, ajudadas d’unes còps per de coordinacions regionalas d’associacions occitanas an mandat de questionaris als candidats per las regionalas avans lo primièr torn.
Mèfi, que l’article foguèt actualizat per cada novèla recepcion de responsa. Las responsas son aquí.

L’amassada generala de l’IEO se debanarà ongan a Limòtges los 8 e 9 de mai. Lo programa es aquí.

Estivada. de Rodés del 27 al 31 de julhet. La federacion de l’IEO serà recampada sus un solet taulièr grandàs. Un luòc per encontrar tot un malhum associatiu a l’encòp.
L’activitat editoriala de l’IEO serà recampada dins l’espaci edicion (Castanhada), que la programacion n’es tenguda per IEO-IDECO. La produccion literària occitana femenina i aurà una plaça de tria. Mai d’infòs : www.estivada-rodez.com

Mòstra Una mòstra sus la lenga e la cultura occitanas comandada a l’IEO per la Bibliotèca Departamentala de Prèst (BDP) de Garona Nauta ven de dubrir. De veire fins al 30 d’abrial a Seishes (31)… e benlèu tanben a l’Estivada. Legir la seguida

Tot en Oc. Es una nòva associacion afiliada a l’IEO. Sa tòca es de desvelopar la preséncia de l’occitan sul Net per la traduccion de logicials liures e autres produches culturals. Primièra AG lo dissabte 10 d’abrial a l’Ostal d’Occitània de Tolosa (11 car. Malcosinat).
Informacions : totenoc@gmail.comwww.totenoc.org

Seccions de l’IEO en linha. De ficas de presentacion de las seccions departamentalas e regionalas de l’IEO son en linha. Las lors coordonadas, mejans d’accion e missions principalas de veire aquí.

De nòu dins la còla de trabalh !. Partida qualques meses en congièr maternitat, Cecila Chapduelh nos es tornada. La mitat de son temps es ara consacrat a la direccion d’IEO-IDECO, la seccion edicion e difusion de l’IEO que compta una novèla encargada de mission, Mellie Bourdoncle.

Lire la page en français