Sètz aicí : Acuèlh > Letra d’informacion > Letra en occitan > Letra d’informacion n°10 - Març de 2011

Letra d’informacion n°10 - Març de 2011

Letra d’informacion n°10 - Març de 2011

Aquesta letra presenta los darrièrs articles pareguts sul site internet de l’IEO. S’i apondon las nòvas ligadas a la lenga occitana e a la vida federativa de l’IEO. Bona lectura a totes !

L’emplec en occitan qu’auhereish possibilitats professionaus e uns emplecs de qualitat : Un an après l’aviada deu Servici de l’Emplec, la pausa qu’ei venguda de hèr un permèr bilanç suu segment deu mercat de l’emplec qu’arrepresenta l’emplec en occitan.Véder l’article e las estatisticas. E tostemps las darrèras ofèrtas d’emplec aquí

Lo nº 135 d’Anem Occitans es paregut : Lo punt suls projèctes de l’IEO, las accions de las seccions regionalas e departamentalas, las actualitats que pertòcan l’IEO, presentacion de las darrièras parucions en matèria de libres, disques, filmes. Aquel nº 135 a un dorsièr central especial de 4 paginas sus la creacion d’estructuras d’acuèlh bilingüe per la petita enfància qu’es la seguida del congrès organizat per l’IEO en novembre 2010 a Privàs. Veire l’ensenhador del nº135

Amassada Generala de l’IEO : L’Amassada Generala de l’IEO se farà los dissabte 21 e dimenge 22 de mai al Puèi de Velai (Léger Naut - 43) al Centre Roger Fourneyron, 31, Bd de la Republica. Se sètz a jorn de la vòstra adesion, podètz d’ara enlà vos marcar per venir a l’AG, mandar lo vòstre bon per poder. Ongan, l’AG elegirà un novèl Conselh d’Administracion. Veire l’òrdre del jorn

1èra session oficiala del DCL occitan : LO DCL (Diplòme de Competéncia en Lenga) es un diplòme d’Estat desliurat pel Ministèri francés de l’ensenhament. Dempuèi gaire, existís un DCL occitan e la primièra session oficiala se farà lo dissabte 21 de mai dins las acadèmias de Tolosa, Montpelhièr, Bordèu e Niça. Aquel diplòme es dubèrt a totes quines que sián lor nivèl d’estudi e la competéncia de basa. A per tòca d’avalorar las competéncias d’utilizacion e de produccion de l’occitan dins un quadre professional. Las inscripcions son dubèrtas tre ara e fins al 27 de març 2011 sul site www.d-c-l.net.

Cadre Europèu Commun de Referéncia per las Lengas (CECRL). Dins d’unas comunicacions de l’IEO, es fait referéncia al Cadre Europèu Commun de Réferéncia per las Lengas (CECRL). Un article per ne saupre mai suls sièis nivèls de competéncias en occitan o dins tota autra lenga viva d’Euròpa e aquelas denominacions A1, A2, B1,…. C2). Legir l’article.

Lire la page en français