Sètz aicí : Acuèlh > Letra d’informacion > Letra en occitan > Letra d’informacion n° 2 - Mai de 2010

Letra d’informacion n° 2 - Mai de 2010

Letra d’informacion n° 2 - Mai de 2010

Vaquí que pareis la segonda letra d’informacion de l’IEO. Mercé de contunhar de seguir la vida d’aqueste site que ven de passar los 2800 visitaires unencs (personas diferentas que son passadas sul site).

Concors de literatura joinessa. La jurada es causida. Los prèmis seràn balhats al moment de l’Estivada de Rodés, lo 30 de julhet. La seguida aquí.

L’occitan… Qu’es aquò ? de 2010 es en preparacion e serà estampat per l’estiu. I traparetz l’annuari del label Òc per l’occitan, que recampa los professionals que valorizan l’occitan dins lor activitat. Contactatz-nos per i passar lo vòstre encart de reclama, estampat dins aquela brocadura a 130 000 exemplars e vesible sus tot l’airal occitan. vbelhomme@ieo-oc.org 05 34 44 97 11.

L’Assemblada Generala de l’IEO se debana aquesta dimenjada, lo 8 & 9 de mai. Ana Maria Poggio, vici presidenta de l’IEO s’adreiça als aderents. De legir aquí.

Actualitat de l’emplec.com. Lo site de l’emplec contunha de viure amb totjorn mai d’anóncias e totjorn mai d’articles : Apréner l’occitan a l’universitat de Tolosa-lo-Miralh, o encara ficas tecnicas coma per exemple lo CRPE occitan.

Las paginas occitanas. Totjorn aquí, totjorn valent e de mai en mai complet ! Es l’utís ideal que vos cal per trobar los actors de la cultura occitana e de son economia, en mai es tot simple d’utilizacion. www.paginas-occitanas.com, l’art del bon trobar. Pasmens, aquel annuari demanda pas qu’a s’enriquesir amb la contribucion de cadun : se vesètz d’artistas, associacions occitanas, etc. que son pas o mal referenciats, contactatz-nos.

Lire la page en français