Sètz aicí : Acuèlh > Letra d’informacion > Letra en occitan > Letra d’informacion n° 3 - Junh de 2010

Letra d’informacion n° 3 - Junh de 2010

Letra d’informacion n° 3 - Junh de 2010

Vaquí la tresena letra d’informacion de l’IEO.

Pèire Brechet, novèl President de l’IEO. Del temps de l’amassada generala de l’IEO del 8 e 9 de mai a Limòtges, lo Conselh d’Administracion de l’Institut d’Estudis Occitans votèt a l’unanimitat l’arrivada a la presidéncia de Pèire Brechet aprèp l’anóncia de la demission de David Grosclaude, que presidava l’associacion dempuèi 2001. La letra d’accession al pòste del President.

Lo compte rendut de l’amassada generala 2010 de Limòtges ven de paréisser. A saupre que la version completa se pòt obténer sus demanda al prèp de l’IEO federal o de las seccions departamentalas o regionalas. Lo compte rendut sintetic.

Lo rapòrt d’activitat de l’IEO per 2009. Presentat a l’AG de 2010, i trapam los projèctes e accions menadas dins l’annada passada. De legir aicí.

Anem Òc dins un libre de francés. L’aficha de 2007 d’Anem Òc se trapa sus un libre de francés per la classa de tresena (J. Girardet, Méthode de français 3, Clé international, Echo, 2009). L’imatge es integrat dins un article que tracta de l’engatjament associatiu per una tòca. Doas paginas de legit aicí e aquí.

EuroTalk Eurotalk es un metòd interactiu per aprene la lenga, que l’IEO d’Arièja trabalhèt a sa version occitana sus dos CD-Roms : lo Vocabulary builder occitan, pels dròlles de 4 a 12 ans, e lo Talk now ! occitan pel monde que començan. L’IEO 09 publiquèt tanben metòdes pel monde que ja parlan occitan e que se voldrián iniciar a d’autras lengas : Parlatz breton, Parlatz basc, Parlatz catalan, Parlatz esperanto e Parlatz anglés. www.eurotalk.com o IEO Arièja.

Prèmi Jaufré Rudel. L’Ostau Occitan, IEO33, la Mantenença Guiaina-Peiregòrd e l’Escòla Jaufré Rudel organizan lo Prèmi Jaufré Rudel 2010. Lo prèmi (de 1500€) es obèrt a totas las òbras escriutas en occitan en pròsa o en poesia, editadas despuish lo 1/ 01/ 2006. Los libes dejà presentats e non premiats las annadas passadas per aqueth prèmi, pòden estar tornats presentar. Las òbras deven estar enviadas avant lo 31 de julhet de 2010 en 8 exemplaris a l’Ostau Occitan. La remisa deu prèmi se debanarà a l’automne de 2010 a Bordèu. Mai d’infos.

Lire la page en français
Fichièrs de descargar