Sètz aicí : Acuèlh > Letra d’informacion > Letra en occitan > Letra d’informacion n° 6 - Octobre de 2010

Letra d’informacion n° 6 - Octobre de 2010

Letra d’informacion n° 6 - Octobre de 2010

Vaquí la letra d’informacion de l’Institut d’Estudis Occitans d’octobre.

Lo congrés 2010 de l’IEO sus la transmission familiau se debanarà los 26 e 27 de novembre a Privàs (07). Vos podètz tre ara inscriure sul butletin d’adesion çai jos e legir lo comunicat del President de l’IEO e lo preprograma.

L’occitan, ieu, m’i meti ! E perqué pas ? « Aprenem l’occitan », la 4ena campanha de promocion dels corses d’occitan per adultes. Vautres tanben, vos podètz informar a prepaus dels luòcs de corses, las actualitats ligadas a aqueles corses, estagis, formacions, etc. e autras entresenhas sul site www.aprenemloccitan.com, contact@aprenemloccitan.com o al 0800 74 69 64 (nº verd, apèl gratuit dempuèi un pòste fixe). Veire l’article.

Formacion PARLESC – Lemòtges lo dimars 26 d’octòbre 2010 Dins lo quadre de la formacions PARLESC. Ensenhaires e responsable de cors son invitats a venir segre questa formacion PARLESC Lemosina. Se debanará a la librariá occitana dau Lemosin, 26 rua Nauta Viena, 87000 Lemòtges.Veire lo programa e se marcar.

Lo "Volontariat per l’occitan" a per tòca la mesa en relacion d’un "Volontari": una persona que mestreja l’occitan, amb un “Aprenent”: qualqu’un que sap las basas de l’occitan e que vòl préner d’assegurança. ETAPA 1 : REFERENÇAR LOS LUÒCS D’ACUÈLH DE CONVÈRSAS.

Enquèsta toponimica. Lo 22 d’octobre a 20h30 a Aspin (65) al ras de Lorda, l’IEO 65 Nosauts de Bigòrra presentarà las resultas de l’estudi toponimic que realizèt pel compte de la comuna d’Aspin. L’IEO 65 menèt una enquèsta alprèp dels estatjants del vilatge e un trabalh de recèrca dins la documentacion escrita als archius departamentals. Aspin metrà puèi en plaça una senhalizacion bilingüa dins tota la comuna. Contact de l’IEO 65. Comandar de plaquetas sus la toponimia bilingüa.

L’occitan en Catalonha 22 setembre de 2010, per lo premier còp de son istòria, l’occitan es lenga oficiala. Per un vòte istoric, lo Parlament de Catalonha a donat un estatut oficiau a la lenga occitana sus tot lo territòri catalan. Legir lo comunicat de salutacion a aquesta granda avançada. Aicí.

Letra als deputats sus las Lengas Regionalas L’institut d’Estudis Occitans a mandat una letra als deputats de l’Assemblada Nationala, membres del grop d’estudi sus las lengas regionalas. Es en linha sul nòstre site amb lo tèxt de contribucion de l’IEO al debat sul projècte de lei que concernís las lengas regionalas de França. Lo tèxt es demorat en francés, atal coma foguèt mandat. Aicí.

Una version mai aisida de descargar de l’occitan qu’es aquò/ Labèl Òc per l’occitan es disponibla en pdf.
(Clicada drecha : « enregistrer la cible du lien sous… ». Mèfi que lo document es pesuc, lo descargament pòt prener un pauc de temps). Veire l’article.

Lire la page en français