Sètz aicí : Acuèlh > Nòstras missions > Legir en occitan > Legir en occitan : divèrs > Literatura pels adolescents: jurada e remesa dels prèmis

Literatura pels adolescents: jurada e remesa dels prèmis

Un quinzenat d’òbras concorran pel concors d’escritura que l’Insitut d’Estudis Occitans inicièt per tal de remediar a una manca dins la literatura per adolescents. Compte tengut de la talha d’aquelas òbras, podèm dire qu’es una capitada al nivèl de la participacion.

Literatura pels adolescents: jurada e remesa dels prèmis

Retenètz tre ara la data del 30 de julhet 2010 per la remesa oficiala dels prèmis. Se farà a l’Estivada de Rodés aprèp un debat a l’espaci Castanhada sus la tematica de la creacion en literatura joinessa amb Terèsa Pambrun, Sèrgi Gayral e Jaumet Demèsa. Tres escrivans occitans pels joves.

Ara, una jurada s’es montada, qu’es a legir las òbras. S’amassarà per deliberar a la debuta del mes de julhet.

 

Es compausada aital :

  • President: Joan-Loís Lavit, escrivan,
  • Un representant de la classa de tresena del collègi bilingüe Revolution de Nimes,
  • Un representant de la classa de tresena del collègi Calandreta Leon Còrdas de Grabèls,
  • Un representant de la classa de cinquena del collègi bilingüe de Negrapelissa,
  • Un representant de la classa de cinquena del collègi Calandreta de Gasconha,
  • Un representant de la premsa,
  • Un representant de l’ensenhament,
  • Un representant de la filièra del libre,
  • Un representant d’IEO Edicions,
  • Un representant de l’Institut d’Estudis Occitans.

Sètz totes convidats, solide !
Rendètz vos sus l’espaci Castanhada lo 30 de julhet a l’Estivada de Rodés.

Infòs : www.estivada-rodez.com

Lire la page en français