Sètz aicí : Acuèlh > Nòstras missions > Centre de ressorgas > Lo desvelopament de l’acuèlh bilingüe dins lo domèni de la petita enfança

Lo desvelopament de l’acuèlh bilingüe dins lo domèni de la petita enfança

Los 26 e 27 de novembre a Privàs (07), l’Institut d’Estudis Occitans organizèt un collòqui sul bilingüisme precòç e las estructuras d’acuèlh de la pichona enfança que favorizan lo bilingüisme. Aqueste eveniment fasiá seguida al congrès Europenc que se debanèt en 2009 a Tarba sus la transmission familiala de las lengas minoritàrias d’Euròpa. Veire ligam sul congrès de 2009 en fin d’article.

Lo desvelopament de l’acuèlh bilingüe dins lo domèni de la petita enfança

Pron lèu d’extraches de conferéncias serán accesibles, plan segurament acompanhadas de versions escritas e sintetizadas de las comunicacions màgers ausidas a Privàs. La parucion dels actes en DVD es encara a l’estudi.
Dins l’espèra, podètz recuperar los actes audio del congrès de 2009 e los dos filmòts sus la transmission familiala de la lenga rodats per Piget Produccion. Veire l’article.

 

Lo programa del collòqui de 2010 se pòt trapar aicí.

La seguida : Un document per promòure lo bilinguisme precòç
L’IEO considèra qu’es de sa responsabilitat de contribuir a desvolopar e estructurar aqueste domèni del bilingüisme dins la pichòta enfància. Es sus aquesta basa qu’a la debuta de 2011 se farà la difusion d’un document d’informacion per las familhas e los professionals de la pichòta enfància sul bilingüisme precòç. Aqueste document será destinat als futurs parents coma als professionals dels tot pichons. Serà difusat dins un primièr temps dins los departaments d’Ardecha, Gard, Aude, Corrèsa, Tarn, Nautas-Pirenèas e Pirenèus-Atlantics, partenaris del projècte e gràcias al sosten de las Regions.
Presentat jos la forma d’un desplegant, podretz ne saupre mai suls efièches positius del bilingüisme precòç en occitan coma dins cada lenga. Una pagina internet serà ligada al document e balharà d’ajudas als parents : Prenoms occitans, comptinas, breçairòlas e cançons dins la lenga, bibliografia d’albums per aberir los vòstres enfants a l’occitan.

Una idèia que pren sas marcas
A la seguida del collòqui de Privàs, lo Conselh General de las Nautas Pirenèas organizèt lo 30 de novembre una conferéncia sul bilingüisme precòç e la tranmsission familiala a destinacion de tots son personal de la Direccion de la Solidaritat Departamentala (personal de Proteccion Maternala Infantila, assisténcias socialas...). Aqueste eveniment es una primièra dins son domèni. I èran convidats entre autres lo mètge Pèire Boquel e lo psicilingüiste Gilbert Dalgalian, ja convidats suls collòquis de l’IEO de 2009 e 2010.

Articles ligats :

(c) fòtos : Domenja Blanc

 

Lire la page en français
Portfòlio de l'article