L’IEO vos propausa bandièras e quessòts amb lo logo de l’IEO. Aquelas vendas servisson a finançar las accions de l’associacion. Sostenètz l’IEO

 

Las bandièras de l’IEO

Per nos plan far veire d’en pertot ont anirem, sus los festenals e autras manifestacions !

80 x 120 cm. Orladura agulha dobla. Estug per passar la pala : 10mm de diamètre.

Prètz public :12€
+ Fraisses de pòrt : 2,50€ per 1 bandièra ; 4,50€ se liurat en UE. 1€ de mai per bandièra suplementària. Liurat sens la pala.

 

Passatz la vòstra comanda : Mandatz lo vòstre chèc amb vòstras coordonadas a IEO- 11 carrièra Malcosinat- 31000 Tolosa- 05 34 44 97 11- direccion@ieo-oc.org

 

Lo Quessòt de l’Institut d’Estudis Occitans realizat per Adishatz™

L’IEO que’vs perpausa quessòts originaus en exclusivitat ! Que son creats per la marca Adishatz™, dab ua creaccion grafica dens l’arrèa. Modèl 100% coton en copa òmi o hemna (cintrat).

Prètz public : 15€.
+ Fraisses de pòrt : 2,50€ per 1 quessòt ; 4,50€ se liurat en UE. 1€ de mai per quessòt suplementari.
Talhas hemna : S/ M/ L/ XL.
Talhas òmi : S/ M/ L/ XL/ XXL.

Davant : Logo de l’IEO
Arrèa : "Endavant per l’occitan !"

Passatz la vòstra comanda : Mandatz lo vòstre chèc amb vòstras coordonadas a IEO- 11 carrièra Malcosinat- 31000 Tolosa- 05 34 44 97 11- direccion@ieo-oc.org

 

Lo DVD sus la transmission familiala de l’occitan

Dos filmes de 6 e 8 minutas e un bonus de 3 minutas registrats al moment de la manifestacion de Carcassona lo 24 d’octobre de 2009 per Piget Produccion.

Mos parents m’an transmetut 6min20.
Parli occitan a mos enfants 8min17.
+ Bonus 2min58.

Filme en occitan sostitolat en francés.
La transmission familiau e naturau de la lenga occitana, Piget produccion, IEO, 2009, 7€, 14 min.

Pack Actes del congrés+ Film sur la transmission familiala : 11€.
Bon de commanda.

Passatz la vòstra comanda e mandatz lo vòstre chèc amb vòstras coordonadas a l’IEO.
Mai d’infos

 

Los actes du congrès

Los actes audio del congrés son disponibles en DVDRom al prèp de l’IEO.
Lo DVD conten :

 

• Una version audiò dels dos jorns de congrés europenc dins totas las lengas accessiblas a l’escota e traduitas en simultanèa en francés, occitan, anglés, espanhòl.
• Las comunicacions escritas des intervenents.
• Qualques fòtos de l’eveniment.

Prètz : 6€.
Pack Actes del congrés+ Film sur la transmission familiala : 11€.
Bon de commanda.

 

Los lexics de Terminologia

Per poder utilizar totes los jorns una lenga moderna, l’IEO entreprenguèt un trabalh de terminologia sus de tematicas que necessitan un vocabulari tecnic.

Tres lexics son publicats a l’ora d’ara. Aqueles an per tòca d’èsser utilizats dins cada dialècte occitan. Cadun prononçarà los mots del lexic segon l’usage d’en cò sieu.

Aquelas aisinas ajudaràn lo vòstre usatge modèrn de la lenga occitana, tant dins l’ensenhament coma dins la vida publica e professionala.

Aquestes lexics de quicòm coma 400 mots son realizats per un grop de lingüistas representants de l’ensem dels dialèctes occitans e d’especialistas de las disciplinas concernidas.

Tematicas dels lexics :
Biologia 2€
Matematicas 2€
Informatica 2€

Descargar lo bon de comanda.

Lexic de telefonia mobila : gratuit. Disponible aicí o de demandar per mail.

 

Anem Occitans ! La revista de l’IEO

Anem Occitans, la revista de l’IEO vos ten informats cada trimestre de las actualitats culturalas occitanas coma de las darrièras accions per la lenga. 24 paginas en occitan e en colors ont trobar informacions, accions interregionalas, regionalas o departamentalas, retraches d’actors culturals, ficas tecnicas per plan menar son projècte, una rubrica "lenga", e una "tribuna liura" per exprimir son punt de vista.
L’abonament es compres dins l’adesion a l’IEO o ne pòt èsser desseparat.

 

Abonament
Union Europèa : 15 € / an.
Fòra UE : 20 € / an.
Abonament de sosten : 20 € / an.

Butletin d’abonament : Aicí.
Mai d’infos

Crompatz los numeros de la revista en escrivant a :
IEO 11 carrièra Malcosinat
31000 Tolosa
direccion@ieo-oc.org
ISSN : 2105-620X

De comandar gratuitament

L’Occitan qu’es aquò e lo labèl Òc per l’occitan

L’Institut d’Estudis Occitans e l’Ofici per l’occitan publiquèron lo document gratuit l’Occitan qu’es aquò/ Label Òc per l’occitan. Una edicion 2 en 1.
Per commandar d’exemplaris, obténer una labellizacion d’entrepresa o de collectivitat locala, contactatz l’IEO o l’Ofici per l’occitan. Segon la quantitat d’exemplaris, una participacion als fraisses de pòrt serà demandada
Per descargar l’occitan qu’es aquò/ Labèl òc per l’occitan en pdf:
(Clicada drecha e "enregistrer la cible du lien sous...")

Descargar solament la carta del labèl en pdf.

 

La senhalizacion bilingüa francés occitan dins una comuna

L’IEO a realizat lo document « la signalisation bilingue français–occitan dans une commune » qu’es un guide pratic per :

• Metre en plaça panèls bilingües d’entrada e sortida de comunas,
• Far realizar un estudi toponimic d’una comuna o intercomunalitat,
• Metre en plaça placas de carrièras bilinguas,
• Metre en plaça una senhaletica direccionala comunala bilingua,
• Causir un bilingüisme sistematic per tota novèla senhaletica,
• Corregir los noms de lòcs occitans mal ortografiats e oficializar lor correcion,
  Aqueste document es disponible sus demanda per difusion a las comunas del vòstre airal e se pòt telecargar. Segon la quantitat d’exemplaris, una participacion als fraisses de pòrt serà demandada

L’IEO vos pòt conselhar a far prestacions per la realizacion d’estudis toponimics e la mesa en plaça de senhalizacions bilinguas.

 

L’occitan dins vòstra comuna

Per sensibilizar los novèls elegits municipals a l’occitan, l’Institut d’Estudis Occitans a realizat un document que presenta en 31 punts las accions que pòt menar una municipalitat a l’entorn de l’occitan. Aquestas van de l’ensenhament a la senhalizacion bilingua en passant per l’accion culturala, tot en demorant dins lo cadre juridic actual e las competéncias d’una comuna.
Document de comandar o de descargar. Segon la quantitat d’exemplaris, una participacion als fraisses de pòrt serà demandada.