Sètz aicí : Acuèlh > Actualitat > Actualitat en cors > N’i a pro d’èsser mespresats !

N’i a pro d’èsser mespresats !

N’i a pro d’èsser mespresats !

Blòg de la revendicacion :

Tolosa, lo 29/09/2017

En 2015, lo moviment associatiu occitanista que’s mobilisè a l’entorn de Dàvid Grosclaude per la reconoissénça de l’OPLO, un organisme creat mercés a la volontat iniciau de l’IEO e, au delà, d’un organisme au service de l’Occitan en generau.

Mes après lo mesprètz generau de cap a la lenga occitana, l’òra qu’es venguda deu mesprès de cap au moviment associatiu occitanista, e de l’Institut d’Estudis Occitans (IEO) mei particularament perqué representa duas valors : " la demanda de la reconeishança de la lenga e deu son territòri per UN nom. "

Après la fasia de la professionalizacion coma factor de persisténcia e de continuitat au servici deu benevolat, que començam de ne véser las derivas. Plaçats (volontariament ? per negligéncia ? per incompeténcia ? per ua flaquesa de l’analisi ?...) dens la precaritat permanenta (budgèts annadièrs e minimalistas...), las associacions occitanas n’an pas avut d’aute recors que de s’entretuar per suberviver !

Aquò que serví plan un poder locau, mei interessat per un profièt electoralista a terme brac qu’animat per ua volontat de desvolopament pluriannadièr de la practica linguistica...

De mei, dens lo grand moviment productivista e budgètari, las associations qu’estón obligadas de se posicionar com OPERATORS, ua nocion de valorizacion de la practica associativa leu virada a un productivisme culturau complètament estrangier a la cultura populària e a l’independéncia deus actors sociaus.

Tot aquò e mena dret a utilizar la distribucion de las subvencions orientada de cap a un sucursalisme locau ligat au profit d’un poder en plaça, e non d’ua ambicion per la lenga o d’ua vision mei larga.

[To be continued]

Lire la page en français