Sètz aicí : Acuèlh > Actualitat > Arquius > Occitània, la mòstra. Programa

Occitània, la mòstra. Programa

La mòstra Occitània realizada per l’IEO en debuta de 2010 sus comanda de laBibliotèca Departamentala vira regularament dins las diferentas comunas de Garona Nauta. Ne vaquí lo programa per 2011.

Occitània, la mòstra. Programa

Vaquí lo planning de 2011 de la mòstra Occitània per las mediatècas comunalas de Garona Nauta (31).
De notar qu’excepcionalament, la Bibliotèca Departamentala ppt prestar aquela mòstra.
Contact : animations-expositions@cg31.fr

 

Comuna Data de debuta de la mòstra Data de fin de la mòstra
Clarac 01/03/2011 15/04/2011
Grenade 31/05/2011 30/06/2011
Fourquevaux 29/09/2011 27/10/2011
Villefranche 28/10/2011 28/11/2011

Occitània, la mòstra

article del 16/03/2010 Una mòstra sus la cultura occitana, comandada per la bibliotèca departamentala de prest (BDP) de Garona-Nauta a l’IEO ven de dubrir. La podètz visitar fins al 30 d’abrial a la bibliotèca de Seysses (31).

Mesa en plaça en debuta del mes de març, la mòstra serà puèi manlevabla per las bibliotècas de las comunas de mens de 10 000 estatjants de Garona-Nauta, que trabalhan en collaboracion amb la BDP.

Titolada Occitània, la mòstra bilingüa a per vocacion de sensibilizar a la cultura occitana. Mai de 10 ans fa, una mòstra del meteis nom foguèt realizada ja per l’IEO. Aquesta se pòt veire uèi a l’Ostal d’Occitània a Tolosa.

Traparetz a Seysses dotze panèus de 2 mètres. Se i parla de temas coma la lenga occitana e son istòria, sa diversitat artistica e literària, esportiva e culinària, sa tradicion orala e sa preséncia dins los mediàs uèi, se i fa lo retrach de personalitats grandas de la cultura occitana e se i presenta tanben una mapa de l’airal occitan.

Una valisa tematica de libres e documents sonòrs en occitan o sus la cultura occitana seguís la mòstra dins las bibliotècas ont serà presentada. Un mejan de socializar e de sensibilizar lo grand public a l’occitan.

La mòstra es de visitar del 10 de març al 30 d’abrial a la bibliotèca de Seysses (31), 10 plaça de la liberacion.

 

Lire la page en français
Portfòlio de l'article