Sètz aicí : Acuèlh > Conéisser l’IEO > Vida associativa > Pèire Brechet, novèl President de l’IEO

Pèire Brechet, novèl President de l’IEO

Lo 8 e 9 de mai de 2010 a limòtges, al moment de l’Amassada Generala de l’IEO, Pèire Brechet foguèt elegit pel Conselh d’Administracion.

Pèire Brechet, novèl President de l’IEO

Ais amics sòcis de l’Institut d’Estudis Occitans,

A l’Assemblada Generala de Limòtges 2010, Dàvid Grosclaude estent demissionari, fuguèri elegit per president de l’IEO.
Teni d’en premier de regraciar David Grosclaude de l’envam nòu, de l’obratge complit e deis amiras que sachèt donar dètz ans de temps a l’accion de l’associacion.

 

De ieu, per aquelei que me conoisson pas, siáu Pèire BRECHET, president de la seccion regionala Provença-Aups-Còsta d’Azur de l’IEO despuei una banda d’ans e professor d’occitan de mestier a Marselha.

E de nosautres puei, contunharai de segur ambe l’ensems dau Conseu d’Administrança e deis sòcis dins la draia federativa. Pèrdi pas de vista que nos fau, tèsta aquí, obtenir una politica publica per la lenga occitana, èstre un operator linguistic e culturau e sempre una fòrça de proposicion.

Ieu, provençau, m’es ben d’onor de portar la paraula de tot aquelei que, dins l’espaci occitan e au dintre de l’IEO, vòlon un avenidor per nòstra lenga.

Anem, còmpti sus lo sosten e la vòlha de cadun per faire avans.

Amistats en totei,

Pèire Bréchet

JPEG - 222.8 ko


 

Pèire Brechet (a esquèrra) e David Grosclaude (a dreita)

Lire la page en français