Sètz aicí : Acuèlh > Bilingüisme > Nòstre procediment > Primièrs elements de responsa: perqué lo bilingüisme ?

Primièrs elements de responsa: perqué lo bilingüisme ?

Primièrs elements de responsa: perqué lo bilingüisme ?

Lo bilingüisme en 7 punches !

Una lenga es un biais de veire lo mond. Parlar doas lengas es una riquesa vertadièra.

Cada lenga constituís un biais de pensar, de veire e de dire lo mond. Elas exprimon d’esmogudas, d’intencions e de valors, assolidan las relacions socialas e trasmeton d’expressions e praticas culturalas e socialas. Tanben constituisson un factor determinant de l’identitat dels individús. Las lengas son una riquesa de preservar e de promòure cap a la diversitat culturala en França, en Euròpa e dins lo mond.

Lo bilingüisme precoci estimula lo despèrtament del mainatge.

Pensar e parlar doas lengas li procuraran un plaser doble. Aquò li permetrà d’accedir a dos biais de se pensar dins lo mond. L’imaginari de vòstre mainatge se ne trobarà aital enriquit. Per un mainatge, una lenga es un vector privilegiat d’una cultura especifica, d’un imaginari original, amb sas expressions, jòcs de lengatge e istòrias infantilas.

Lo mainatge, dempuèi sa naissença, dispausa de capacitats estonantas per apréne las lengas : encoratjatz-las !

En contacte amb una lenga orala, lo nenon s’apropria, abans quitament de pòder prononciar sos primièrs mots, de multiples sons, fòrmas e combinasons de mots presents a l’entorn d’el. Aquel « banh de lengatge » se vòl apuèi completat par d’escambis orals amb son ròdol a travèrs de situacions de jòcs ou de descobertas. Aquest contèxte rassegurant fa nàisser lo plaser d’exprimir d’idèas, d’escotar, de repetir, d’obténer de responsas a sas questions, sens paur de s’enganar. Ausir mantunas lengas dempuèi la naissença es benefica, a condicion que lo lengatge siá estructurat e lo vocabulari pro ric ! Aquò retardarà pas ses aprentissatges, mas lo contrari.

Lo bilingüisme prepara al multilingüisme.

L’aprentissatge d’una 3ena et d’una 4ena lengas se troba fòrça facilitat. Un mainatge parlant doas lengas desvelopa dins son cervèl de "plancas" facilitant l’aprentissatge de novèlas lengas. De mòstras convencentas nos son aportadas per de pichons franceses parlant d’autras lengas regionalas, coma lo basc e lo breton, mas tanben forà país per de mainatges neerlandeses, daneses, tal coma de mainatges de cobles forastièrs vivant en Occitània que son sovent capables de parlar correntament tres, quatre e mai cinc lengas.

En conéisser sas rasigas, òm se dobre a aquelas dels autres.

Causir de far descobrir a son mainatge la cultura e la lenga de sa region l’ajuda a melhor compréner qual es. Aiçò l’ajuda tanben a melhor compréner aquels que parlan d’autras lengas, que sortiguèron d’autras originas o qu’ont de biais de viure diferentes dels nòstres.

La lenga occitana, una realitat dins l’Occitània d’uèi

La lenga occitana es presenta pertot dins las regions occitanas a travèrs lo mond que parla occitan, per segur, mas tanben dins los noms de luòcs, la musica, la literatura, las medias e la quita internet...

Un ròdol favorable en Occitània

Vòstre mainatge va créisser dins un despartement de las regions occitanas qu’a una identitat originala en consequéncia de sa istòria, de son ròdol cultural, de sas musicas, de ses païsatges… e que sosten lo desvelopament del bilingüisme. Lo contèxte occitan es favorable au desvolopament del bilingüisme, aprofechatz-ne !

 

Lire la page en français