Sètz aicí : Acuèlh > Actualitat > Actualitat en cors > Rubrica d’informacions del 18/11/2016 del NPLD

Rubrica d’informacions del 18/11/2016 del NPLD

Lo NPLD (malhum de promocion de la diversitat lingüistica), que l’IEO n’es membre, nos presenta diferents rendetz-vos e accions avenidor per afortir la riquesa lingüistica d’Euròpa.

Rubrica d’informacions del 18/11/2016 del NPLD
  • Lo Conselh de l’Euròpa a recentament publicat dos fichas descriptivas sus lo ròtle de la lenga dins l’actual sistèma educatiu e l’importància de la lenga dins la bona integracion dels refugiats. De capsas de las atrunas son en preparacion per ajudar los actors d’aquestas accions.
    Per legir la ficha sus l’integracion dels refugiats, clicatz aicí.
    Per legir la ficha sus lo sistèma educatiu, clicatz aicí.
  • Lo governament federal soïs a darrièrament desvelat son plan de perennizacion de las quatre lengas del país : italian, alemand, francés, romanche. Aquesta decision proven de la preséncia excessiva de l’anglés a l’escòla, especialament dins los cantons germanofònes.
    Per mai d’informacions, clicatz aicí.
  • "Lo multilingüisme dins la politica, la societat e l’educacion" serà lo tèma de la granda conferéncia internacionala organisada los 16 e 17 de març de 2017 per l’universitat de Fribourg (Soïssa).
    Per conéisser lo programa, clicatz aicí.
  • "Mobilitat e lengatge" es lo tèma de la conferéncia que se desrotlarà del 25 al 27 de març de 2017 a l’universitat d’Oxford (Reiaume Unit). Dins un contèxt de grands moviments umanes contemporanèus, la reflexion serà menada al entorn de las questions venentas : coma se mentenan las lengas nacionalas ? Coma los diferents gropes lingüistics coexistisson ? Quals son los diferents tipes de naturalisacion desvelopats per los Estats ?
    Per ne saber mai, clicatz aicí.
Lire la page en français