L’institut d’Estudis Occitans es al servici de las collectivitat per realizar d’estudis toponimics e los ajudar a metre en plaça una senhaletica bilingüa. L’IEO publica un document per seguir las comunas dins lor projècte de senhalizacion en occitan, e a organizat congrèsses sul subjècte en 2007 e 2008.

L’IEO a realizat lo document « la signalisation bilingue français–occitan dans une commune ».
Aqueste document es disponible sus demanda per difusion a las comunas del vòstre airal e se pòt telecargar.
Aqueste es un guide pratic per :

 

• Metre en plaça panèls bilingües d’entrada e sortida de comunas,
• Far realizar un estudi toponimic d’una comuna o intercomunalitat,
• Metre en plaça placas de carrièras bilinguas,
• Metre en plaça una senhaletica direccionala comunala bilingua,
• Causir un bilingüisme sistematic per tota novèla senhaletica,
• Corregir los noms de lòcs occitans mal ortografiats e oficializar lor correcion,
  

L’occitan dins vòstra comuna
31 accions que pòt menar una municipalitat enb favor de l’occitan assembladas sus aqueste document. De l’ensenhament a la senhalizacion bilingua en passant per l’accion culturala, tot en demorant dins lo cadre juridic actual e las competéncias d’una comuna.
Document de comandar o de descargar.

Estudis toponimics
L’Institut d’Estudis Occitans pòt realizar per una collectivitat un estudi toponimic.
L’IEO 65 per exemple menat una enquista alprèp dels estatjants d’Aspin en Lavedan (65) e un trabalh de recerca dins los archius departamentals. Lo 22 d’octobre de 2010 foguèt remés oficialament l’enquista acabada a la comuna d’Aspin que metrà puèi en plaça una senhalizacion bilingüa dins tota la comuna.

Formacions a l’enquèsta toponimica
L’Institut d’Estudis Occitans pòt tanben prepausar formacions a l’enquista toponímica.
Una formación a l’enquista toponímica foguèt balhada a la comunautat de comunas Terride-Arcadèche (32) alprèp d’un detzenat d’estatjants del territòri.

Dos congrèsses en 2007 e 2008
A Aush en 2007, en partenariat dab lo Conselh Generau deu Gèrs, un primièr congrès titolat « Toponimia occitana e senhalizacion bilingua».Los actes son de legir aicí
E un segond congrès a Perigüèrs en 2008, en partenariat amb lo Conselh General de Dordonha, titolat « Microtoponimia occitana e senhalizacion en occitan daus servicis dins las comunas».