Sètz aicí : Acuèlh > Actualitat > Arquius > Valors de tolerancia e de dobertura

Valors de tolerancia e de dobertura

Valors de tolerancia e de dobertura

La Coordinacion « Per la lenga occitana ! » qu’organiza la protesta Anem Òc ! del 31 de mars de 2012 a Tolosa, vòl rampelar amb aqueste comunicat las valors essencialas de tolerancia e de dobertura al monde que la cultura occitana i es estacada e totjorn l’es estada.

Es doncas clar que lo moviment associatiu e cultural occitan, amassa, non tolerarà pas la presencia dins la manifestacion de personas o grops que reivendicarián e proclamarián una vista xenofòba de l’Occitania.

Pr’amor de levar tota mèna d’ambiguïtat, la defensa de la lenga e de la cultura occitanas se pòdon pas cap assimilar amb los ensags de recuperacion d’aquelas tematicas per de grops que presican una ideologia racista e fascista e que, per l’utilisacion dels simbòls occitans, vòlon drapar d’un vestit nòu e mai de mòda çò qu’es totjorn lor metèissa batèsta : l’òdi e l’aborriment per çò desparier, la tampadura, l’immigrat coma patiràs, la superioritat imaginaria d’una Euròpa blanca que seriá en perilh...

L’Occitania, doberta, colorada, e mantuna, demòra fièra dels mots que li fan devesa e identitat dempuèi mai de 800 ans : « Paratge e Convivencia » !

 

Lire la page en français