Sètz aicí : Acuèlh > Nòstras missions > Viure l’occitan cada jorn > Autres projèctes > Volontariat per l’occitan - Prima de 2013 - Inscripcions

Volontariat per l’occitan - Prima de 2013 - Inscripcions

Volontariat per l’occitan es organizat per l’Institut d’Estudis Occitans. Coma lo Volontariat per Aranés, a per tòca la mesa en relacion d’un "Volontari" es a dire una persona que mestreja l’occitan correntament, amb un "Aprenent" es a dire qualqu’un que sap las basas de l’occitan e que vòl préner d’assegurança.

Volontariat per l’occitan - Prima de 2013 - Inscripcions

Sufís d’aver una ora per setmana de liura pendent 10 setmanas. Per un Aprenent, vos permetrà de vos assegurar dins la vòstra practica de l’occitan, d’aquesir un occitan mai corrent e alargar las vòstras coneissenças culturalas. Se sètz Volontari, vos donarà una escasença de mai de practicar la lenga e de partejar las vòstras coneissenças. Tot aquò dins un encastre ludic, fòra d’un encastre de cors e dins un luòc agradiu.

Qual pòt participar?

Los Volontaris son de personas majoras que parlan occitan correntament. Cap certificacion en lenga es necessària, sonque l’enveja de partejar sa coneissença de la lenga, fòra d’un encastre professoral. Los Aprenents son de personas majoras qu’an una coneissença basica de l’occitan e qu’an enveja de ganhar mai d’assegurança, mai de fluiditat e ne far una lenga mai presenta dins lora vida vidanta.

Cada persona inscrita s’engatja a seguir lo còde de las bonas praticas

Per s’inscrire, podètz descargar lo desplegant a emplenir aquí. o emplenir lo formulari en linha disponible aquí.

Detalhs practics

Aprenents e Volontaris se retròban en binòmi 1 h per setmana dins un endrech que causisson, pendent 10 setmanas de seguida : entre lo 18 de mars fins al 26 de mai. A partir de l’inscripcion de cadun, l’IEO forma los “parelhs linguistics” que se retrobaràn puèi per charrar, en foncion de las disponibilitats donadas e de las afinitats. L’inscripcion per participar es gratuita. Novetat per aquesta segonda edicion, serà organizat un chat inter-dialectal sus internet. Una ora per setmana, obèrta als Aprenents e animat per de Volontaris.

Un còp inscrit vos comunicarem las coordonadas del vòstre binòmi. Será a vos de lo contactar per veire amb el lo primièr rendètz-vos.

Ont se passa?

Los participants son liures de se retrobar ont vòlon. Al moment de l’inscripcion, vos cal precisar un punt de rescontre. En mai d’aquò de luòcs son partenaris de l’operacion. Son d’endreches dubèrts al public ont vos podètz retrobar : bars, bibliotècas, salas associativas, etc. qu’an una activitat de sosten de la lenga occitana. La lista d’aqueles luòcs es mesa a jorn regularament amb las adreças e los oraris de dubertura.


Afficher Luòcs Volontariat 2013 sur une carte plus grande

Se podètz pas veire la mapa, clicatz aquí

S’inscriure coma luòc partenari per aculhir de parelhs Volontaris/aprenent

Se pòt tanben far per telefòn o per internet (via skype) se las personas son luènh o isoladas, mas notatz qu’es mai dificil per un aprenent de menar una convèrsa al telefòne o per internet.

De qué parlar?

De tot çò que vos agrada : espòrt, literatura, cultura generala, actualitat, filmes, viatges, cosina, vida familiala, los vòstres projèctes, lo temps passat, lo temps futur, lo vòstre mestièr, cossí anatz, ont vivètz, etc.

Suggerissèm als volontaris de privilegiar la fluiditat de la lenga a la correccion : interrompatz pas l’Aprenent. Ensajatz de li far compréner son error en tornant formular son dire pel biais d’una question.

Podètz tanben :

  • Anar visitar amassa un luòc
  • Parlar a l’entorn d’un supòrt (jornal, site internet, tèxte…)
  • Anar far los magazins amassa
  • Practicar una activitat (esportiva o ludica)

E aprèp?:

A la fin del programa de las 10 setmanas de convèrsa, a l’entorn del 25 de mai, de recampaments de participants seràn organizats dins diferents endreches. Vos comunicarem mai de detalhs suls recampaments mai pròches d’en çò vòstre.

Contact :

Institut d’Estudis Occitans (Audrey Veaute),
11 carrièra Malcosinat,
31000 Tolosa,
05 34 44 97 11,
volontariat@ieo-oc.org

 

Lire la page en français
Portfòlio de l'article
Fichièrs de descargar