Sètz aicí : Acuèlh > Nòstras missions > Viure l’occitan cada jorn > Autres projèctes > Volontariat per l’occitan : es una fin positiva per aquesta primièra edicion

Volontariat per l’occitan : es una fin positiva per aquesta primièra edicion

En vos passejant sul site internet de l’IEO sètz nombroses a tombar sus aquel projècte del Volontariat e mandar la vòstra inscripcion en seguida. Plan mercés. Malurosament, tot çò qu’es plan tanben acaba per aver una fin e lo Volontariat s’es acabat lo 13 de març.

Volontariat per l’occitan : es una fin positiva per aquesta primièra edicion

Mercés doncas a totes los qu’an participat, qu’an jogat lo jòc de se rescontrar regularament per charrar en occitan – e que contunhan de se rescontrar per unes d’entre vautres. Mercés per las contribucions que cadun mandèt per far part als autres de sa faiçon de s’apropriar lo Volontariat. Totes los retorns qu’avètz mandat sus l’operacion son estats positius e encoratjants per las annadas a venir.

Lo Volontariat per l’occitan es doncas acabat per ongan mas esperam plan de lo tornar lançar regularament d’una annada sus l’autra. Se volètz èstre informats de la seguida, nos podètz mandar tre ara las vòstras coordonadas. Pels participants a l’edicion 2011, es encara temps de nos mandar lo vòstre vejaire per nos ajudar a evoluir e nos adaptar als vertadièrs besonhs de cadun.

A l’an que ven ! e nos quitam amb la darrièra contribucion recebuda :

"Dab lo men binòmi, que’s debana plan. Que hiqui aquò au present pr’amor qu’avem enqüèra tres setmanas de complir. E que’ns èm acordats entà las complir. La mia impression globala es que soi "plan satisfat”. Lo júnher qu’èra hòrt bon e qu’avem devisat amassa aisidament gascon e franchimand. Que coneishi hèra plan lo son regent de gascon e que podem pleitejar sus las causas hòra de las gramaticas, sustot suu bilingüisme. E qu’èi quauquas tintèinas, per exemple, parlar sus ua peguessa «Toto, mange ta soupe». Dab aquera peguessa que’s pòt pleitejar mei d’un dia : l’imperatiu ; pronomalizar los vèrbes pr’amor de la manca d’adjectiu possessiu en gascon : «minja la toa sopa» o «minja’t la sopa» e atau que serà mei bona ; eslissar sus los auxiliars aver e estar ; etc. Qu’avem parlat de lectura ; qu’avem lejut e arrevirat en franchimand quauques tèxtes. Los subjèctes de convèrsa vienen tots solets (Ah ! Aqueth «tot» adverbe en franchimand, adjectiu en gascon). Solide ! La practica de la lenga que s’ahorteish sonque en parlar. E lo Volontariat per l’occitan qu’es ua hèra bona causa, autan per cadun deus dus deu binòmi. Malaja que non i agi avut sonque un binòmi dens lo departament de Lanas. Que’vs calerà har quaucom entà trobar mei de monde. Que ? N’ac savi pas. Mes, los que batalan per la lenga n’an pas estat motivats ; que’us cau motivar !" Bertrand DUTHIL

Lire la page en français