Sètz aicí : Acuèlh > Letra d’informacion > Letra en occitan > Letra d’informacion n°4 - Julhet de 2010

Letra d’informacion n°4 - Julhet de 2010

Letra d’informacion n°4 - Julhet de 2010

Vaquí qu’arriba la quatrena letra d’informacion de l’IEO. L’estiu es aquí, e lo programa es plan cargat !

Estivada. L’IEO tendrà son estand a l’Estivada. Una plaça bèla per tota una federacion ! Al programa : La sortida oficiala de l’Occitan qu’es aquò e de l’annuari Òc per l’occitan de 2010 ; La presentacion oficiala de la mòstra Occitània realizada per l’IEO e la mediatèca departamentala de Garona Nauta ; la remesa del prèmi de literatura joinessa organizat per l’IEO ; l’estand Ideco e son programa d’animacions... La seguida del programa aicí.

Parucion. L’Occitan qu’es aquò de 2010, la brocadura gratuita que ne vos dirà mai sus l’occitan conten aqueste an l’annuari del Labèl Òc per l’occitan. Lo document sortís per l’Estivada. Conferéncia de premsa lo dimècres 28 de julhet a 18 h sus l’estand IEO. Contactatz tre ara l’IEO per ne comandar per pòsta o de recuperar a l’Estivada per difusion en cò vòstre (versions francesa, anglesa, castelhana). vbelhomme@ieo-oc.org – 05 34 44 97 11. Veire l’article.

Datas clavadas. Los divendres e dissabte 26 e 27 de novembre se tendrà lo congrès sul desvelopament de l’acuèlh en occitan dins lo domeni de la pichona enfança a Privas (07). Organizat per l’IEO, aquel eveniment se marca en contunh del congrès de 2009 sus la transmission familiala e naturala de l’occitan e de las lengas minoritàrias d’Euròpa.

Los vesins. Microsoft Windows 7 e Windows live en basc ! Lo 17 de junh a Bilbao, la Conselhèra de la Cultura del Govèrnament Basc, Blanca Urgell e la gerenta de las Relacions Institucionalas de Microsoft Ibérica, Montserrat Pardo, presentèron los novèls produches d’ara endavant disponibles en lenga basca. L’iniciativa permetrà lo desvolopament fòrt de la lenga dins las entrepresas bascas coma suls ordenadors d’ostal. Per ne saupre mai (en euskara e castelhan).

A l’escòla. Lo còp passat vos parlavem d’una aficha d’Anem Òc dins un libre de francés. Per la dintrada, Nathan s’illustrarà tanben amb l’aficha d’Aprenem l’occitan, de veire sus un libre d’istòria geografia e d’educacion civica per la classa de 1èra de Bac Professional (J.-C. Cavalière, Histoire- Géographie- Education Civique- Vers la certification, Cahier d’activités de l’élève - 1re professionnelle Bac Pro 3 ans, Nathan, Galée, avril 2010, 15,90€). La pagina del libre aicí.

Lire la page en français